اسلام آباد 30 جون (اے پي پي) خارجه وزير بلاول بھټو زرداري به د جاپان حکومت په بلنه د جولائي وړومبې نيټې نه تر څلورمې نيټې د جاپان دوره كوي۔ د خارجه دفتر وياندې لخوا د جمعې په ورځ د جاري بيان له مخې خارجه وزير د جاپان دوره د اوږدې دمې نه پس د قيادت په كچه د رابطو بحالۍ پلو اشاره كوي۔ خارجه وزير به د دورې په مهال د جاپان خپل همڅنګ يوشيماسا حياشي سره د پلاويو په كچه خبرې اترې كوي۔ خارجه وزير به د جاپان وزيراعظم فوميو کيشيدا سره هم ملاقات كوي او د دې نه علاوه به د جاپان د قامي سلامتيا سلاحكار ټيکيو اکيبا سره هم ملاقات كوي۔ خارجه وزير به د آسيائي پرمختيائي بېنك په انسټي ټيوټ كښې هم وينا كوي كوم چې د جاپان يو مشهور تهنك ټېنك دے۔ پاکستان او جاپان د اوږدې مودې اړيكې لري او خصوصيت ئې ګرمجوشي٬ دوستي او مشتركه خيالات دي۔ د خارجه وزير په جاپان كښې د پاكستان افرادي قوت د درآمد پحقله نوموړې بزنس هاٶسز او د ادارو نمائندګي كوٶنكي سينئر چارواكو او اېګزيکټوز سره هم خبرې اترې متوقع دي
