اسلام آباد 23 اپرېل (اے پي پي) وزيراعظم محمد شهباز شريف د خالي په ورځ په يوه ورځنې دوره كوئټه ته لاړو. وزيراعظم به په كوئټه كښې د خضدار كچلاك قومي لوئې لارې د سېكشن ون او سېكشن ټو بنياد ږدي. د وزيراعظم دفتر د مېډيا څانګې لخوا جاري شوي بيان له مخې د خضدار كچلاك قومي لوئې لارې جوړېدو سره به د بلوچستان د مهمو ښارونو ترمېنځه په تګ راتګ كښې اسانيې پېدا شي. وزيراعظم به د بلوچستان د انتظاميې چارو، امن او امان د صورتحال او په خاص توګه د رمضان پېكج د عملي كېدو جاج اخلي. هغه به په بلوچستان كښې د ضرورت د څيزونو د بېعو او كمي په شكايت د غونډې مشري هم كوي. وزيراعظم به په بلوچستان كښې اولسي نمائندګانو سره ملاقات هم كوي. د مواصلاتو وزير مولانا اسعد محمود، د منصوبه بندې وزير احسن اقبال او د بلوچستان نېشنل پارټۍ چيئرمېن سردار اختر مېنګل هم وزيراعظم سره دي.
