ملګري ملتونه ۔19ستمبر(اے پی پی) خارجه وزير بلاول بھټو زدراري د فلسطيني اولس د خپلواكۍ حق او د اسرائيلي قبضې په ضد هڅو لپاره د پاكستان لخوا د بشپړه ملاتړ پخلي كولو سره په نړيواله ورورولۍ زور راوړې دې چې هغه دې د خپلواكه فلسطيني رياست په جوړولو كښې مرسته وكړي د كوم پايه تخت چې القدس الشريف وي٬ نړيوالې ورورلۍ له به په مصيبت كښې د اخته فلسطيني وګړو حفاظت كول وي او د شهري ودانۍ په ضد د اسرائيلي ظلم زياتي مخنيوي له به فوري او كوټلي ګامونه پورته كول وي۔ د دې خيالاتو څرګندونه ده د ګل په ورځ فلسطين سره اړوندې د او آئي سي كمېټۍ غونډې ته خطاب كښی وكړه۔ د او آئی سی دې كمېټۍ كښې د پاکستان، سینیګال، ملائیشیا او د ګني د خارجه وزيرانو په شمول د او آئی سی عمومي سېكتر او د فلسطيني اتھارټي اعلی سفارتكار د غړو په توګه شامل دي۔ خارجه وزير بلاول بھټو زرداري ووئيل په مقبوضه فلسطین كښې اسرائیلی قبضه او ظلم زياتې په ټول منځني ختيز كښې د استحكام نشتوالي ٬ تاؤ تريخوالي او شخړو بنيادي سبب دے۔ ده ووئيل په منځني ختيز كښې امن او استحكام لپاره د فلسطين مسئله بايد په فعاله ډول او د فوري ترجيح په توګه حل كړې شي۔ ده د اسرائيل لخوا پرله پسې د فلسطيني وګړو او كوچنيانو د مرګ ژوبلې ٬ د مقدس ځايونو خلاف ورزيو ٬ د فلسطيني وګړو د كورونو ويجاړولو ٬ د فلسطيني كورنيو په زبردستۍ شړلو او د فلسطيني خبريالې شيرين ابو عقيله د ناوړه وژنې پېښې غندنه وكړه۔ ده ووئيل پاكستان د روان خونړي جنګ لاره نيولو او په مقبوضه سيمو كښې د فلسطين اولس د بشري وقار او د بشري حقونو بحالۍ لپاره هر ډول اقدام لپاره نورو غړٶ هېوادونو سره مرسته كولو لپاره چمتو دے ۔ ده ووئيل د فلسطيني اولس په ضد د روان جارحيت لاره نيولو لپاره دې ټول ضروري ګامونه پورته كړې شي٬ بايد نړيواله ورورولي د مصيبت ځپلې فلسطيني اولس حفاظت وكړي او د سول آبادۍ په ضد د اسرائيل د ظلمونو مخنيوي لپاره په سمدستي توګه او كوټلي اقدامات پورته كړې شي۔ ده ووئيل د جارحيت كوٶنكي اسرائيل او د مظلوم فلسطينيانو ترمېنځه ناوړه مساوات پېدا كولو هڅې د معافۍ قابلې نه دي۔ ده ووئيل د اسرائیل لخوا د جنيوا څلورم او د نورو بشري حقونو كنونشنز او د نړيوال قوانينو د خلاف ورزۍ په ضد انصاف ترلاسه كولو لپاره مناسب احتسابي طريقه كار جوړول پكار دي۔ يو خپلواكه او د عمل وړ فلسطيني رياست جوړول، د كال 1967 نه وړاندې په تسليم شوې حدود كښې القدس الشریف د پايه تخت په توګه د فلسطين شخړې يوازې حل دے او د دې مقصد ترلاسه كولو لپاره د امن عمل ضروري دې۔ ده د فلسطيني اولس د جائز حقونو په خاص توګه د خپلواكۍ د ناقابل تنسیخ حق ترلاسه كولو لپاره د دوي په سپېځلې هلو ځلو كښې د پاكستان د مستقل ملاتړ پخلې وكړو۔
