اسلام آباد 22 ستمبر (اے پي پي) د خارجه دفتر وياند د پاكستان كوم پلاوي لخوا د اسرائيل دورې كولو تاثر بېخي رد كړے دے٬ په دې لړ كښې د ميډيا د پوښتنو ځواب كښې وياند ووئيل د ذكر شوې دورې اهتمام يو غېر ملكي اېن جي اوز كړے ٶ څوك چې په پاكستان كښې مېشته نه دي۔ وياند ووئيل د فلسطين په مسئله د پاكستان موقف واضح او غېر مبهم دے، زمونږ بشپړه د قامي اتفاق وړ پاليسۍ كښې هېڅ تبديلي نه دے راغلے۔ ده ووئيل پاكستان د فلسطيني اولس د خپلواكۍ د ناقابل تنسيخ حق مستقل ملاتړ كوي۔ وياند ووئيل د ملګرو ملتونو او د او آئي سي د اړوندو قراردادونو له مخې د كال 1967 نه وړاندې پولو تر مخه يو آزاد٬ د عمل وړ او متصله فلسطيني رياست جوړېدل چې پايه تخت ئې القدس الشريف وي په منطقه كښې د تل پاتې امن لپاره ضروري دے۔
