اسلام آباد۔21جون(اے پی پی)وزیر اعظم عمران خان وئيلي دي د كشمير شخړې د لاسه د سوئيلي آسيا يو ارب 40 كروړه اولس محاصره كړے شوے ٬ كه امريكا پرېكړه وكړي د كشمير مسئله حل كېدې شي۔ د هندي عسكرو د لاسه د زرګونو په شمېر د كشميريانو شهادت باوجود مقبوضه كشمير كښې روانو ظلمونو ته لوئيديز خپل پام نه ګرځوي۔ 8 لكه هندي پوځ د مقبوضه كشمير 90 لكه كشميرېانزندان ته اچولي ۔ د اسلامو فوبيا تر ټولو لوي سبب د اسلامي نړۍ او لوئيديزو ټولنو ترمينځه د تړون نشته والے دے۔ پاكستان كښې د كورونا په صورتحال قابو موندلو له مو د سمارټ لاك ډاؤن پرېكړه كړې وه۔ هغه د دې خيالاتو څرګندونه د ګل په ورځ د امريكې ټي وي چېنل پروګرام ” اېګزی اوس آن اېچ بی او” سره يوه مركه كښې وكړه۔ د دې پوښتنې په ځواب كښې چې سباؤن كښې د امريكې صدر جوبائيډن سره ملاقات كښې به كومې خبرې ته ترجيح وركولې شي وزيراعظم عمران خان ووئيل د كشمير مسئله به زما په ايجنډا كښې تر ټولو وړومبۍ وي۔ وزيراعظم ووئيل د كشمير شخړې د لاسه د سوئيلي آسيا يو ارب 40 كروړه اولس محاصره كړے شوے۔ هغه ووئيل په دې لړ كښې زياته ذمه واري د امريكې جوړېږي ولې چې هغه د نړۍ يو طاقتور هېواد دے۔ وزیراعظم ووئيل په لوئيديزه نړۍ كښې دا يوه لويه مسئله ده چې د كشميري اولس حال ته ولې نظر نه كېږي ۔ وزیراعظم ووئيل مقبوضه كشمير كښې 8 لكه هندي عسكرو 90 لكه كشميريانو د كشمير نه زندان جوړ كړے۔ هغه په دې خبره د افسوس څرګندونه وكړه چې نړۍ لپاره دا يوه مسئله ولې نه ده؟۔ دا منافقت دے۔ د پاكستان د مخ په زياتېدونكي اتومي صلاحيت په اړه د يوې پوښتنې په ځواب كښې وزيراعظم ووئيل د پاکستان اتومي وسله خپلې دفاع لپاره ده۔ وزيراعظم باور څرګند كړو چې د كشمير مسئله حل كېدو سره به دواړه هېوادونه امن پلو روان شي۔ افغانستان څخه د امريكائي پوځ ستنېدو په حقله وزيراعظم په دې خبره زور راوړو چې د دې نه وړاندې د مسئلې سياسي حل ته اړتيا ده ولې چې دا مسئله كوم پوځي حل نه لري۔ وزيراعطم ووئيل د مسئلې سياسي حل د كوم د لارې چې د طالبانو او نورو ډلو شريك اتحادي حكومت جوړ شي نه بغېر د امريكې پوځ ستنېدو سره خانه جنګي رامخې ته كېدې شي۔ كله چې د وزيراعظم نه دا پوښتنه وشوه چې آيا پاكستان به طالبانو ته د نړۍ په قامونو كښې هركلې اووائي وزيراعظم ووئيل څوك هم چې د افغان اولس نمائندګي كوي پاكستان به هغوي سره كار كوي۔ د يوې پوښتنې په ځواب كښې وزيراعظم دا خبره په ډاګه كړه چې پاكستان به افغانستان څخه د امريكې پوځ وتلو نه وروستو د پولې پورې غاړه د ترهګرۍ كارروائيو مخنيوي له امريكا ته د خپلې خاورې كارولو اجازه كله هم ورنه كړي۔ كله چې د وزيراعظم نه دا پوښتنه وشوه چې پاكستان به د القاعده ٬ آئي اېس آئي يا طالبانو په ضد د ترهه ګرۍ كارروائيو مخنيوي له سي آئي اے ته پاكستان كښې د پاتې كېدو اجازه وركړي وزيراعظم ووئيل چرې هم نه۔ هغه ووئيل مونږ امن لپاره همكاران يوو ٬ شخړې له نه۔ پاكستان په خپله خاوره د نورو عسكري كارروائيو متحمل كېدے نه شي او دا ځكه چې پاكستان د افغانستان نه پس تر ټولو زيات زيان پورته كړے۔ د يوې بلې پوښتنې په ځواب كښې چې آيا پاكستان به امريكا ته د خپلو فضائي حدونو كارولو اجازه وركړي وزيراعظم ووئيل د امريكې د دې سوچ په تېرو 20 كلونو كښې كومه نتيجه نه ده رامخې ته شوې نو اوس به هم څه ترلاسه نه شي۔د نړيوالې وبا كووډ -19 په اړه د پوښتنې په ځواب كښې وزيراعظم ووئيل پاکستان د سمارټ لاك ډاؤن پالېسۍ او د شمېرو بشپړه تجزيې څخه په وبا قابو موندلے۔ وزیراعظم ووئيل سپېن او اطاليا كښې د کووډ۔19 له امله روغتونونه له رنځورانو ډك شوي ۔ د اسلامو فوبيا په حقله د يوې پوښتنې په ځواب كښی وزيراعظم عمران خان ووئيل د دې سبب د اسلامي نړۍ او لوئيديزو ټولنو ترمينځه د تړون نشتوالے دے۔ هغه ووئيل د نائن الېون نه پس د اسلامي ترهګرۍ اصطلاح وضعه كړې شوه د كومې د لارې چې په لوئيديز كښې خلق ګمراه كړے شول۔ په لوئيديزه نړۍ كښې دا ناوړه تاثر رامخې ته كړے شوے چې اسلام د ترهګرۍ سبب دے۔ هغه ووئيل د ترهګرۍ په هلو ځلو كښې د څو مسلمانانو د ككړېدو د لاسه د ګردې نړۍ يو ارب 30 كروړه مسلمانان په نخښه كړے شوي
