اسلام آباد۔26اګست(اے پی پی) نګران وزيراعظم انوار الحق کاکړ په بلوچستان کښې د يوې موثرې تګلارې لاندې د ملازمتونو او روزګار موقعو پېدا كولو په حاجت زور راوړدے دے۔ ده دا خبره د خالي په ورځ په كوئته كښې د بلوچستان پرمختيائي منصوبو سره د اړوندې غونډې مشري كولو په مهال خپله وېنا كښې وكړه۔ نګران وزيراعظم په بجټ او خرڅونو کښې توازن برقرار ساتلو سره د وسائلو د درست استعمال په ضرورت زور راوړو۔ په غونډه كښې نګران وزيراعلی، وزيرانو او اړوندو چارواکو ګډون اوکړو۔ وزيراعظم ووئيل بلوچستان بلها معدنيات لري كومو څخه چې د هېواد د معيشت پرمختګ په لړ كښې استفاده كېدې شي۔ ده ووئيل معدنيات لرونكو سيمو كښې د مواصلاتو فعاله بنيادي ډھانچې موجودګۍ سره دغه وسائل د هېواد په ګټه كارول كېدې شي۔ په غونډه كښې د بلوچستان چيف سېكتر وزيراعظم ته به صوبه كښی د روانو او مجوزه پرمختيائي منصوبو په اړه بريفنګ وركړو۔
