اسلام آباد۔27 اګست(اے پی پی) نګران وزيراعظم انوار الحق كاكړ وئيلي دي چې هېواد سره لكه د خپل اولاد بايد مينه وكړې شي٬ د پاكستان پرمختګ د بلوچستان پرمختګ سره تړلے دے۔ ده دا خبره د اتوار په ورځ په كوئټه كښې د قلات مشرانو پلاوي سره خبرو كښې وكړه۔ په ملاقات كښې وزيراعظم ته د قبائلي مشرانو پلاوي د وزارت عظمی منصب ذمه وارۍ په سنبالولو مباركي وركړه او ده لپاره يۍ د نېكو هيلو څرګندونه وكړه۔ په دې وزيراعظم د پلاوي مننه وكړه او د دوئي مسئلې يۍ واورېدې د كومو حل لپاره چې وزيراعظم خپل لوظ تكرار كړو۔ ده ووئيل زه د خالق آباد، قلات، خضدار ٬ جھالاوان ، مچھ ، ساراوان ، هزارہ او ټولو مننه كوم٬ مونږ ټول يو يؤ ٬ زه يو ستاسو څخه يم ٬ زما په پلار نيكه كښې څوك وزيراعظم نه وو او نه زه كوم مغل بادشاه يم۔ يو عام وګړے يم ٬ ستاسو سيمې سره تعلق لرم۔ ده ووئيل يو فيصد زه دا نه محسوسوم چې زما تعلق قلات، خضدار، مستونګ او پشتون يا بلوچ سره دے۔ وزيراعظم ووئيل کچھی کېنال نه يوازې بلوچستان بلكې پاكستان لپاره يو مهم پراجېكټ دے۔ ده ووئيل زه هيله لرم چې ستاسو كارونه به دې ځايې څخه وشي ٬ وفاق سره اړوند كار لپاره زه حاضر يم۔ په ملاقات كښې د بلوچستان ګورنر عبد الولي كاكړ او نګران اعلی وزير علي مردان ډومكې هم شامل وو۔
