اسلام آباد۔20دسمبر (اے پی پی) د سائنس او ټېکنالوژۍ وفاقي وزیر چوهدري فواد حسین وئیلي دي چې د کالجونو او پوهنتونونو د زده كړو ښه نظام نه لرل د هیواد ترټولو لویه ستونزه ده. د اتوار په ورځ په یو ټویټ کښې هغه ووئيل چې د انجینرانو ملازمت لویه مسئله نه ده مګر اصلي ستونزه په تعلیمي ادارو کې د تعلیم ضعیف حالت دے.هغه ووئيل ما د لوړو زده كړو كمېسيون (اېچ اي سي) ته وئيلي دي چې هېواد كښې لږ تر لږه 20 پوهنتونونه بايد داسې وي چې سلېبس او ډګري پروګرام ئې د نړيوال معيار له مخې وي۔ هغه ووئيل ذهين كسانو لپاره نوكرۍ موندل كوم ګران كار نه دے
