اسلام آباد 27 دسمبر (اے پي پي) د خارجه دفتر وياند وئيلي دي چې پاكستان په افغانستان كښې پائيدار امن او استحكام لپاره پوخ عزم لري خو مونږ د افغانستان د ځينې سركاري او نجي حلقو لخوا په منفي بيانونو اندېښنه لرو. د خارجه دفتر وياند د اتوار په ورځ په يو بيان كښې په افغانستان كښې پائيدار امن او استحكام لپاره د پاكستان د عزم پخلې كولو سره ووئيل چې په داسې حال كښې كله چې د افغانستان د سولې عمل او د شخړې د سياسي حل په پلو د ډاډ وړ پرمختګ روان دے او د افغان اولس او د نړۍ په كچه امن لپاره د پاكستان د هڅو اعتراف او ستائنه كولې شي، مونږ د افغانستان د ځينې سركاري او نجي حلقو لخوا په منفي بيانونو اندېښنه لرو. وياند ووئيل چې پاكستان په دې خبره باور لري چې د سلامتيا او انټېليجنس پشمول ټولې شريكې چارې د اړوند دوه اړخيزه فورمونو او چېنلز د لارې حل كېدې شي. وياند ووئيل چې د افغانستان پاكستان د امن او يووالي اېكشن پلان په اړه اړوند كاري ډلې داسې خبرو لپاره مناسب اداره جاتي فورمونه دي. د دې نه علاوه په نومبر كال 2020م كښې د پاكستاني وزيراعظم لخوا د كابل دورې په مهال دواړو هېوادونو سلامتيا او د سولې عمل په اړه په اړوند چارو د خپلو روابطو لا په مستحكم كولو هم اتفاق كړے و. وياند ووئيل چې عوامي تورونه د امن عمل سره سره د دوه اړخيزه مرستې زياتولو لپاره شريكو هڅو لپاره هم زيانمن دي. پاكستان په دې خبره ټينګار كوي چې د افغانستان شخړه كوم پوځي حل نه لري او دا شخړه يوازې د سوله ايزو مذاكراتو د لارې حل كېدے شي. وياند ووئيل چې دې مقصد لپاره پاكستان د افغان اولس او حكومت په مشرې كښې د سولې عمل لپاره په هڅو بوخت دے. وياند ووئيل چې د روان كال په مهال د پاكستان د هڅو په نتيجه كښې د سولې په عمل كښې په مهمو پرمختګونو كښې مرسته شوې چې پكښې د فرورې په 29مه نېټه د امريكې طالبانو د سولې تړون، د ستمبر په 12مه نېټه د افغانانو ترمېنځه د مذاكراتو پېل كېدل او د دسمبر په 2مه نېټه په قواعدو و ضوابطو د افغان ګوندونو ترمېنځه تړون شامل دے. وياند ووئيل چې د جنورې په 5مه نېټه كال 2021م كښې به مذاكرات يو بل مهم او نازك پړاٶ ته داخل شي، مذاكرات كوونكي به د سباٶن د جامع سياسي حل په اره مهمو معاملو ته پام كوي. وياند ووئيل چې د افغانانو ترمېنځه د مذاكراتو په دې نازك پړاٶ كښې مذاكرات كوونكو لپاره دا ضروري ده چې دوي د تورونو لګولو نه ډډه وكړي او په افغانستان كښې پوخ امن او استحكام لپاره د دانشمندې او وژن څرګندونه وكړي. وياند ووئيل چې پاكستان د روان كال په مهال په افغانستان كښې په زيات شوي تشدد هم سخته اندېښنه ښودلې. وزيراعظم عمران خان په يو شمېر موقعو په تشدد كښې د كمي غوښتنه كړې. وياند ووئيل چې افغان دولت دې د كورنۍ سلامتيا، امن او امان او د افغان اولس تحفظ لپاره خپله ذمه واري ترسره كولو لپاره عملي اقدامات وكړي. ده ووئيل چې پاكستان د موثره اداره جاتي مرستې د لارې د سلامتيا او د موثر بارډر مېنجمنټ په څانګه كښې هر ډول ممكنه مرستې ته تيار دے. وياند ووئيل چې په دې وروستيو كښې د دواړو هېوادونو ترمېنځه په اړيكو كښې مثبت پرمختګ شوے چې پكښې د افغانستان پاكستان ټرانزټ ټرېډ په لوظنامه نظرثاني او په پي ټي اے د خبرو پېل كولو پشمول مهمې دوه اړخيزه چارې شاملې دي. د وزيراعظم عمران خان پشمول په لوړه كچه رابطې او دوه اړخيزه دورې هم د پاكستان او افغانستان ترمېنځه د اړيكو د مستحكم كولو مظهر دي. وياند ووئيل چې دواړو ډلو ته پكار دي چې هغوي په دوه اړخيزه اړيكو كښې د دې پرمختګ لړې روانه وساتي او د كورنيو او سيمه ايزو مداخله كوونكو تخريب كارو عزائم شنډ كړي. ده ووئيل چې پاكستان به د يو سوله ايز، مستحكم، متحد، آزاد، جمهوري، خپلواكه او خوشحال افغانستان ملاتړ روان ساتي.
