اسلام آباد 22 دسمبر (اے پي پي) وزيراعظم عمران خان په ګرانې قابو موندل، د برېښنا په څانګه كښې كاركردګي بهتر كول، په برآمدات كښې اضافه او سبسډيز يوازې تر غريبانانو محدود كول حكومت لپاره يو چېلنج ګرځولو سره وئيلي دي د كاركردګې ښودلو وخت راغلے، كله مو چې حكومت سنبال كړو نو معاملې د بهر څخه د كتلو نه بالكل مختلف وې، د ګورننس په نظام كښې د بيوروكرېسي په اړه په اصلاحات كار روان دے، د تعميرات څانګې وده او د صنعتي پرمختګ اشارئې مثبتې دي، د هېواد معاشي پرمختګ او استحكام لپاره د برآمدات وده ضروري ده، په هېواد كښې د توان ضروريات پوره كول زمونږ ترجيح ده، پرمختيائي پروژې زر ترسره كول غواړو، د 18م بدلون له مخې په وفاق او صوبو كښې ځينې ستونزې حل طلب دي، پنځه كاله پس به اولس پرېكړه كوي چې د اوسني حكومت كاركردګي څنګه وه. ده دا خبرې د نهې په ورځ مالي كال 21-2020م لپاره د وزارتونو د كاركردګې په لوظنامو د لاسليك دستورې او وفاقي وزارتونو ته د كاركردګې په اړه د اهداف سپارلو دستورې ته خپله وېنا كښې وكړې. وزيراعظم ووئيل اقتدار ته د راتللو نه پس زمونږ درې مياشتې يوازې په صورتحال ځان پوهه كولو لګېدلي او په خاص توګه د برېښنا په څانګه كښې تر يو نيم كال مونږ ته د اصل شمېرو درك هم معلوم نشو، شمېرې به بدلېدې، بايد هر حكومت پوره تيارې سره اقتدار ته راشي او بايد هغه ته د صورتحال په اړه مكمل بريفنګ وركړے شي. ده ووئېل مونږ له د خپل نظام جاج اخستل دي، د ټيم تشكيل نه پس اهداف سره كولو لپاره بايد وخت وركړے شي. ده ووئيل كله چې مونږ حكومت سنبال كړو نو معاملې د بهر څخه د كتلو نه بالكل مختلف وې، په برتانيه كښې چې كله لېبر پارټي د اوږدې مودې نه پس حكومت جوړ كړو نو هغه بيوروكرېټس د هرې محكمې د صورتحال نه خبر كړه او كاركردګي بهتر كولو لپاره ئې تجويزونه وركړل. وزيراعظم ووئيل هغه د بېلا بېلو وزارتونو د كاركردګې جاج اخلي، يو شمېر وزارتونو د ډېرې ښې كاركردګې څرګندونه كړې، ځينې وزارتونه كاركردګي بهتر كولو لپاره هڅې كوي.ده ووئېل د 18م بدلون په نتيجه كښې كوم اختيارات چې لاندې كچې ته منتقل شوي، په دې لړ كښې هم په مكمل توګه خبرتيا او تياري نه ده تر نظر شوې. د فوډ سكيورټي وزارت وفاق سره دے خو د دې ذيلي اختيارات صوبو سره دي. كه كومه صوبه وفاق سره په ګډه نه چلېږي او خپله جلا پاليسي جوړوي او د بېلا بېلو صوبو ترمېنځه د بېعو فرق رامخي ته كېږي نو دې سره د بېعو ټول نظام آغېزمند كېږي۔ده ووئېل كه د غنمو په بېعه كښې اضافه وي يا ووړه ګران شي نو د دې تور په وفاقي حكومت لګي. كه كومه صوبه غنم نه جاري كوي او ماركيټ ته ئې نه وركوي نو وفاق پرې كنټرول نه لري او هغه په دې لړ كښې هېڅ هم نه شي كولېے. وزيراعظم ووئيل په دې لړ كښې د كار كولو ضرورت دے، د ماحول څانګه هم صوبو ته منتقل كړې شوې، بايد دا څانګه هم وفاق سره وه چې دغسې د ماحول بهترې لپاره په اقدامات كښې بهتري راشي. وزيراعظم ووئيل د وزارتونو د كاركردګې د جاج اخستو پرېكړه مهم قدم دے، پنځه كاله پس به اولس دا پرېكړه كوي چې مونږ د دوي بهترې لپاره څه كړي، دوي سره مو چې كوم لوظونه كړي ، هغه مو پوره كړي كه نه۔ده ووئېل مونږ پاٶ باندې دوه كاله وخت لرو او مونږ ته په دې كښې خپله كاركردګي بهتره كول دي، اوس به دا خبره نه وي چې مونږ سره تجربه نه وه او مونږ په وړومبي ځل اقتدار ته راغلي وو. اوس د كاركردګۍ ښودلو وخت راغلے او خپله كاركردګي ښه كولو لپاره دې وزارتونه په خپل ځان فشار واچوي، هر يو وزارت ته خپل اهداف سر كول دي، په دې اهدافو كښې تر ټولو لوي چېلنج د برېښا وزات لري۔ده ووئېل د برېښنا څانګه ډېره پېچلې ده، د دې نظام بهتر كول دي، مونږ ته اولس له ارزانه برېښنا وركول دي او د ګرځينده قرض د زياتېدونكي غر مقابله كول دي ځكه زمونږ حكومت لپاره تر ټولو لوي چېلنج د برېښنا د څانګې كاركردګي ښه كول دي. ده ووئېل مونږ نزدې دوه نيم زره اربه سبسډي وركوو او د سبسډې مقصد غريبې طبقې ته اسانې وركول دي. برامدات زياتول دي، د اوسني حكومت په اقداماتو زمونږ كرنټ اكاٶنټ فاضل شوے، دا زمونږ ډېره ښه كاركردګي ده. وزيراعظم ووئيل د برآمدات اضآفې ته خاص پام كول دي. زمونږ پنشن ډېر مخ په زياتېدو دے او چا په دې لړ كښې په تېر وخت كښې منصوبه بندي نه ده كړې. د ډاكټر عشرت حسېن لخوا په دې لړ كښې د اصلاحاتو په انتظار يو. ده ووئېل په مالېزيا كښې پنشنز په بچت بدل كړے شوے كوم چې هېواد لپاره اثاثه ثابت شوے، مونږ غواړو چې د سبسډې ښه استعمال وكړے شي. د كركيلې څانګې ته هم په تېر وخت كښې پام نه دے شوے۔ده ووئېل چين سره په سي پېك كښې زرعي څانګه هم شاملولې شي او دې سره به د كركيلې څانګه پرمختګ وكړي. ده ووئيل د سول سروس په څانګه كښې په اصلاحات كار روان دے. تر څو چې د بيورو كرېسي په كاركردګۍ كښې بهتري نه وي راغلې، مونږ به تر هغه وخت د بېلا بېل ګرېډز د لارې د پروژو د كاركردګې آن لائن جاج اخلو، كه په كوم وزارت كښې كار تاخير سره مخ شو نو د اړوند وزارت به ضد به كارروائي كولې شي. وزيراعظم ووئيل زمونږ معيشت پرمختګ كوي، د تعميرات څانګه وده كوي، صنعتونه فعال دي، په دوه كاله كښې د ډېرو كشالو نه پس معيشت اوس په سم پلو روان شوے، د راتلونكو خنډونو په لړ كښې به مونږ له د اوس نه فكر كول وي. ده ووئيل اوس به مونږ ته د ټولو وزارتونو په حقله معلومه شي چې دوي كوم اهداف ټاكلي ، ترلاسه كولو لپاره ئې دوي څه كوي، په دې به د كاركردګې جاج اخستلے كېږي.
