ملتان۔4 جنوری (اے پی پی) خارجه وزير مخدوم شاه محمود قرېشي وئيلي دي چې د اتوار په ورځ بهاولپور كښې د پي ډي اېم شو وشوه ولې د پاور نه خالي وه ځكه هغې ته “پاور شو” وئيلے نه شم۔ مريم صېبې ووئيل سوئيلي پنجاب محرومه ساتلے شوے دے نو دا بايد ووائي دا چا محروم ساتلے دے۔ د تېرو څو ليسزو نه په پنجاب حكومت د چا وو۔ د چا په دور كښې د سوئيلي پنجاب فنډز كوم بل ځائې كښې مصرف كړې شول۔ د ګل په ورځ يو بيان كښې هغه ووئيل تحريك انصاف د دوه نيمو كالو په لنډه موده كښې د سوئيلي پنجاب حوالې سره دوه لويې پرېكړې وكړې۔ اختيارات ښكته كچې ته منتقل كولو له ملتان او بهاولپور كښې دوه انتظامي سېکرټرېټ جوړ كړې شول او سوئيلي پنجاب لپاره فنډز بېل كړې شول۔ هغه ووئيل مونږ د وړاندې نه وئيل چې هغه غږ كوم چې د هند بيانيې سره مطابقت لري د اولس كوم خذمت كولے شي؟ دا مهال هندوستان زمونږ په پولو ګولۍ وروي او هره ورځ د لائن آف كنټرول خلاف ورزي كېږي۔ اپوزشين ته بايد معلومه شي چې پاكستان كښې د ترهګرۍ په شاه هند ولاړ دے۔ بلوچستان كښې پرله پسې پېښې روانې دي نو په دې حالاتو كښې چې تاسو ټكونه په ادارو كوۍ نو دې سره خو تاسو د هند بيانيې ته عموميت وركوۍ۔ هغه ووئيل اسټېبلشمنټ ټول عمري د آئين او قانون د حد دننه د رياست د ګټو تحفظ كوي۔ پرون بلوچستان كښې د مزدورانو د وژنې رامخې ته شوې پېښه د افسوس وړ ده د دې چې څومره هم غندنه وكړې شي كمه ده۔ هغه ووئيل هندوستان دهائبرډ وار فيئر د لارې داسې پېښې رامخې ته كوي دغسې چې پاكستان كښې كېدونكې سرمايه كارۍ ته زيان ورسي۔ هغه ووئيل بلوچستان سره تعلق لرونكې مشرتابه دې د بلوچستان چارو كښې خوښي ولري او د خلقو د ځان او مال ساتنې له دې هڅې وكړي۔ هغه ووئيل د اي يو انفولېب رپورټ د هند اصلي څېره په ډاګه كړې ده۔ د هند هندوتوا پالیسیو له امله د سیکولرازم تصور دفن شوے دے۔ نن هند كښې د امتيازي قانون د لارې د اقليتونو حقونه له مينځه وړلې شي۔ نن نړيواله ميډيا هم د هند په ضد ليكل كوي۔ د كشمير مسئله په هر يو فورم پورته كوؤ او كه لوئے څښتن ته منظور وي نو د خپلواكۍ ترلاسه كولو روان تحريك به ضرور كامياب شي۔ هغه ووئيل مونږ د ملګرو ملتونو سېكرټري جنرل او جنېوا كښې د هيومن رائټس كمشنر ته خطونه استولې دي او هغوي نه مو غوښتنه كړې ده چې ټولو كشميري لارښودو ته دې فري او فيئر ټرائل آساني وركړې شي۔ ټول سياسي لارښود دې په فوري توګه خوشې كړې شي۔ په كشميري اولس د روان ظلم او زياتي حوالې سره د هیومن رائټس کمشنر په دوه سپېځليو انكوائري رپورټس دې عملدرآمد باوري كړې شي۔ هغه ووئيل مونږ د ملګرو ملتونو کمېشن آف انکوائری د لارې د زمكيز حقائقو حوالې سره د سپېځلې او بې پرې تحقيقات كولو غوښتنه هم كړې ده۔
