اسلام آباد۔26جنوری(اے پی پی)د پارليماني چارو وزير علي محمد خان وئېلي دي د اسلامي نظرياتي كونسل د چيئرمېن او د غړو د نامو منظوري به د فرورۍ مياشتې تر پائې وركړی شي٬د اسلامي نظرياتي كونسل كردار ډېر زيات مهم دے۔د نهې په ورځ د سېنېټ په غونډه كښې د سېنېټر سراج الحق د پام راګرځونې په نوټس ووئيل د اسلامي نظرياتي كونسل د چيئرمېن او غړو تقرر نه دے شوے۔دا مهمه اداره ده كومه چې د قانون سازۍ جاج اخلي چې آيا كوم قانون د اسلامي تعليمات سره متصادم خو نه دے۔د كال 2020 اووم نومبر نه دا اداره د چيئرمېن او لسو غړو نه محرومه ده۔دا دې ووئيل شي چې په څومره موده كښې به چيئرمېن او غړي وټاكلې شي۔په دې د پارليماني چارو وزير علي محمد خان ووئيل د پاكستان آئين مونږ د دې خبرې پابند كوي چې اولس ته دې د اسلام له مخې د ژوند تېرولو موقع وركړی شي او كومه قانون سازي چې هم كېږي په هغې به اسلامي نظرياتي كونسل د اسلامي تعيلماتو په رڼا كښې نظر لري او كه كوم قانون د اسلامي تعليماتو په ضد وي نو هغه به كلعدم كولې شي۔ده ووئېل د كونسل د غړو ټاكنه به به څومره موده كښې كېږي په دې اړه آئين غلے دے۔هغه ووئيل د غړو د نامو حتمي منظوري به د وزيراعظم په سپارښتنه صدر وركوي۔د قانون وزارت به د فرورۍ تر پائې په مېرټ د نومونو حتمي منظوري وركړي۔
