اسلام آباد 26 جنوري (اے پي پي) وفاقي كابينې د براډ شيټ په معامله د پلټنو په اړه د كمېټې په ځاے د كميشن آف انكوائري اېكټ 2017م له مخې د كشمين په تشكيل كولو اتفاق كړے. انكوائري كميشن به د براډشيټ معامله تر رامخې ته كېدو د معاملې پلټنې كوي، كميشن د كوم كس يا ادارې طلب كولو او د دستاوېزات ترلاسه كولو اختيار لري، كابينې د كورونا واكسين درآمد په اړه د نېشنل هېلته سروسز، رېګولېشنز اېنډ كوآرډينېشن وزارت د وړاندېزونو منظوري وركړې، كابينې د فرورې په 5مه نېټه د كشمير د يووالي ورځ په بشپړه توګه د لمانځلو د عزم پخلې كړے، د سېنېټ ټاكنې په پاك ډول كولو لپاره كه د اوپن بېلټ د لارې ټاكنو لپاره ضرورت پېښ شو نو آئيني تراميم به هم كولې شي، پي ټي آئي په فارن فنډنګ كېس كښې ښكېل كونكے اپوزيشن په خپله ګېر شوے، وراثتي لېډران د هر غلط كار سرپرست دي، د لاهور تجاوزات معامله د دې څرګند ثبوت دے. د اطلاعات او خپرونو وفاقي وزير سېنېټر شبلي فراز د وزيراعظم عمران خان په مشرې كښې د وفاقي كابينې د غونډې نه پس مېډيا ته د بريفنګ وركولو په مهال ووئيل نن په يو شمېر مهمو موضوعاتو بحث شوے. د اداره جاتي اصلاحاتو او كفايت شعارې صلاحكار لخوا وفاقي كابينې ته د حكومت د كفايت شعارې او تنظيم نو ټاسك فورس لخوا په وزارتونو او ډويژنو كښې د 70 زره خالي چوكو ختمولو، د وفاقي حكومت د ادارو شمېره د 441 نه كمولو سره تر 324 ساتلو په اړه د اداره جاتي اصلاحات په اړه تفصيلي بريفنګ وركړے شو. كابينې ته ووئيل شول د تېرو دوو كلونو په مهال د وزارتونو او ادارو اخراجات نه دي زيات شوي. كابينې ته ووئيل شول د 7 ادارو د ري سټركچرنګ په اړه د اصلاحاتو په بنياد وړاندېزونه اړوندو وزارتونو ته عمل درآمد لپاره وركړې شوي . په دې اصلاحاتو د عمل درآمد د پېشرفت پرله پسې جاج اخستلے كېږي. كابينې ته د اصلاحاتو او بهترې په اړه تفصيلي بريفنګ وركړے شو او په دې لړ كښې د روډ مېپ څخه هم غونډه خبر كړې شوه. د منصوبه بندې، پرمختګ او خاص اقدامات وزير لخوا كابينې ته د جولائي نه تر دسمبر كال 2020م د اقتصادي او معاشي اعشارو د ځانګړې بهترې په اړه بريفنګ وركړے شو. ګډون كوونكو ته ووئيل شول د تېرو 6 مياشتو په مهال برآمدات كښې د څو كلونو په نسبت اضافه ليدلې شوې او په ترسيلات زر كښې د 2.8 اربه ډالرو اضافه ريكارډ كړې شوې. د تېر كال په مقابل كښې د زرمبادله په ذخيرو كښې د 2 اربه ډالرو اضافه شوې . يوازې د دسمبر په مياشت كښې د ټېكس محصولات كښې 7.9 فيصد اضافه شوې. د سركاري څانګې د پرمختيائي پروګرام له مخې اخراجات د تېر كال څخه 7.4 فيصد زيات دي. د تېرو 8 كلونو په مهال په وړومبنو شپږو مياشتو كښې د پي اېس ډي پي د فنډ استعمال تر ټولو زيات ريكارډ كړے شوے. غونډې ته ووئيل شول محصولات د اخراجاتو نه زيات وو. د كركيلې په څانګه كښې د وريژو په پېداوار كښې 10 فيصده اضافه، د ګني په پېداوار كښې 13 فيصد اضافه او د جوارو پېداوار كښې 9 فيصد اضافه شوې. سږ كال لارج سكېل مېنوفېكچرنګ 7.4 فيصد زيات شوے. يوازې د دسمبر په مياشت كښې په لارج سكېل مېنوفېچكرنګ كښې 14.5 فيصد اضافه شوې كومه چې د تېرو 12 كلونو په مهال تر ټولو زياته ده. د افراط زر په اړه كابينې ته ووئيل شول تېر كال د افراط زر شرح اوسطاً 11.1 فيصد وه او د اوسني كال په شپږو مياشتو كښې دا شرح 8.6 فيصد ده. د دسمبر په مياشت كښې د افراط زر شرح 6.4 فيصد وه. په راتلونكو مياشتو كښې د افراط زر په شرح كښې د نور كمي امكان دے. ګډون كوونكو ته ووئيل شول د اېكسچېنج رېټ مستحكم دے ، د اپرېل كال 2018م نه پس سټاك ماركيټ په لوړه كچه دے. كابينې د نېشنل ډيزاسټر رسك مېنجمنټ فنډ د منصوبه بندې وزارت تر سيوري لاندې د راوستلو او د ادارې په اړه د كابينې د كمېټې د وړاندېزونو منظوري هم وركړه.وفاقی کابینې د پاکستان International Network on Bamboo and Rattan (INBAR) ممبر شپ په اړه د الحاق د دستاوېز منظوري وركړه. دغسې كابينې د اسلام آباد هائي كورټ د پرېكړې په رڼا كښې د ډېلي وېجز او كنټرېكټ ملازمانو د مستقل كولو په اړه د كمېټې د تشكيل نو منظوري هم وركړه. كابينې د نېشنل انسټيټوشنل فسليټېشن ټېكنالوجيز تر سيوري لاندې د ټولو درجو په ملازمت د پاكستان اسينشل سروسز ﴿مېنټېننس﴾ اېكټ 1952 په اطلاق كښې تر شپږو مياشتو د پراختيا منظوري وركړه. كابينې د پاكستان سېكورټي پرنټنګ كارپورېشن او د سېكورټي پېپرز لمېټډ كراچې په ملازمانو د پاكستان اسېنشل سروسز ﴿مېنټېننس﴾ اېك 1952م د اطلاق تر شپږو مياشتو د پراختيا منظوري وركړه. دغسې وفاقي كابينې د نادرا د مالي كال 20-2019 د اكاٶنټس آډټ لپاره د چارټرډ اكاٶنټنټ فرم د تقررې منظوري هم وړكړه. وفاقي كابينې د كورونا واكسين درآمد په اړه د نېشنل هېلته سروسز، رېګولېشنز اېنډ كوآرډينېشن وزارت د وړاندېزونو منظوري وركړه او د بريفنګ په مهال وفاقي وزير سېنېټر شبلي فراز ووئيل براډ شيټ يو داسې خبر دے كوم چې زمونږ د ګوند په دريځ مهر لګولے. مونږ تل وايو چې په دې هېواد كښې اېن آر او كلچر هېواد په شا بوتلے. كله چې هم په اقتدار كښې د ګوند په مهمو خلقو د كرپشن تورونه لګېدلي نو د مصلحت له مخې دوي ته لار وركړې شوې. وزيراعظم عمران خان دا كلچر چېلنج كړے. وفاقي وزير ووئيل د اپوزيشن د چغو نه معلومېږي چې دوي د يو ديانتدار كس نه يره لري. ده وئېل جسټس عظمت سعيد شېخ د نېب نه تر سترې محكمې پراخا تجربه لري. ده ووئيل تراوسه د عظمت سعيد شېخ انكار نه دې راغلے. هيله ده چې هغه به د كميشن مشري وكړي
