اسلام آباد 25 فروري(اے پي پي)خارجه وزير شاه محمود قرېشي وئېلي دي پاكستان د جامع سياسي خبرو اترو د لارې د افغانستان مسئلې سياسي حل له خوښي لري٬ افغانستان كښې امن د پاكستان پشمول په ټوله منطقه كښې د امن لپاره ضرورې دے ۔دا خبره ده د د افغان صدر خاص استازي محمد عمر داودزئي سره په خبرو كښې كړې چا چې د زيارت په ورځ په خارجه وزارت كښې ده سره ملاقات كولو ۔د ملاقات په مهال د افغان امن عمل٬نړيوال افغان مذاكرات٬د منطقې صورتحال پشمول د شريكې خوښې په چارو د خيالاتو څرګندونه شوې ۔خارجه وزير ووئيل پاكستان شريكه ذمه واري ترسره كولو سره افغان امن عمل كښې مصالحانه كردار ادا كوي۔شاه محمود قرېشي ووئيل پاكستان په افغانستان كښې د تشدد په زياتوالي اندېښنه لري ٬ضرورت د دې خبرې دے چې ټولې ډلې په تشدد كښې كمے راوستلو لپاره خبرې اترې مخ په وړاندې بوتللو له خپل كردار تر سره كړي۔خارجه وزير ووئيل افغانستان كښې امن د پاكستان پشمول په ټوله منطقه كښې د امن او امان لپاره ضرورې دے۔خارجه وزير ووئيل پاكستان به په افغانستان كښې د امن بحالۍ نه وروستو دافغانستان رغونې او پرمختګ لپاره خپلې هڅې روانې ساتي ۔د افغان صدر خاص استازي عمر داؤدزئي د خارجه وزير مننه كولو سره په افغانستان كښې د امن لپاره د پاكستان مصالحانه هڅو ستائنه وكړه۔خارجه سېكرټري سهيل محمود او افغانستان لپاره د وزيراعظم خاص استازے سفير محمد صادق هم په دې موقع موجود وو۔
