لاهور 31 دسمبر (اے پي پي) وزيراعظم عمران خان وئيلي دي چې د 400 اربه روپه په لګښت د پنجاب هرې كورنۍ لپاره هېلته انشورنس فلاحي رياست پلو د هېواد د تاريخ تر ټولو لوے ګام دے٬ تر مارچ 2022 به د پنجاب هرې كورنۍ سره صحت كارډ وي كوم څخه به چې دوي تر لس لكه روپو درملنې كولې شي، د خېبر پختونخوا هرې كورنۍ ته صحت كارډ وركړې شوې دې او بلوچستان٬ آزاد کشمير او ګلګت بلتستان كښې به هم هرې كورنۍ ته صحت كارډ وركولې شي۔ وزيراعظم دا خبرې د جمعې په ورځ په ګورنر هاٶس لاهور كښې د نوي پاكستان قامي صحت كارډ وېش دستورې ته خپله وېنا كښې وكړې۔ په دې موقع د پنجاب ګورنر چوهدري محمد سرور، وزيراعلی سردار عثمان بزدار، د اطلاعات او خپرونو وفاقي وزير چوهدري فواد حسېن، وزير مملکت فرخ حبيب، د وزيراعظم خاص مرستيال ډاکټر شهباز ګل او د صحت صوبائي وزيرې ډاکټر ياسمين راشد پشمول وفاقي او صوبائي وزيرانو سره سره پارلماني غړي هم موجود وو۔ وزيراعظم په دې موقع لاهور ډويژن لپاره قامي صحت کارډ تقسيمول پېل كړل او د پنجاب وزيراعلی او د ھغه ډلې ته ئې په دې انقلابي اقدام پېرزوئنې وړاندې كړې۔ وزيراعظم ووئيل دومره لويې پرېكړې هېڅوك نشي كولې، تر ننه يو حكومت دومره لويه پرېكړه نه ده كړې۔ ده ووئيل ما په وړومبي ځل د برتانيې دورې په مهال فلاحي رياست ليدلې، فلاحي رياست ھغه وي كوم چې د عام وګړو بنيادي ضرورت ترسره كوي او غواړي چې ټول هېواد سوكاله وي، زمونږ نبي حضرت محمدۖ چې كله د مدينې فلاحي رياست جوړ كړو نو د بې وسه طبقې ذمه واري ئې په خپله غاړه واخسته او په وړومبي ځل ئې داسې ماډل رامخې ته كړو خو د افسوس خبره ده چې دا ماډل په اسلامي نړۍ كښې په نظر نه راځي او دا په ډنمارك٬ ناروے او د سويډن پشمول اروپائي هېوادونو كښې په نظر راځي۔ وزيراعظم ووئيل لوي څښتن مونږ ته دا لاره ښودلې ده څوك هم چې د رحمت اللعالمينۖ په ښودلې لاره ژوند كوي لويې څښتن به ورته عظمت وركوي۔ ده ووئيل بشپړه باور سره وئيلي شم پاكستان كښې د كوم هم اروپائي هېواد نه زيات وسائل موجود دي خو د بده مرغه زمونږ خلق اروپائي هېوادونو ته تللو ته لېواله دي او دا ځكه چې هلته خوشحالي ده۔ ده ووئيل د نړۍ په تاريخ كښې پاكستان يوازينې هېواد دې كوم چې د اسلام په نامه جوړ شوې خو مونږ ھغه لاره پرېښې كومه چې فلاحي رياست پلو ځي۔ ده ووئيل دلته واكمنو خپلو تقريرونو كښې هېواد د اېشين ټائيګر جوړولو خبره كړې خو دا بايد مونږ ته معلومه وي چې هر يو اېشين ټائيګر د مدينې د رياست مقابله نشي كولې۔ وزيراعظم اوسني واكداران په ھغه لاره روان دي كومه چې د قام د عظمت لاره ده،اوس به په پنجاب كښې د 400 اربه روپو په لګښت هرې يوې كورنۍ ته هېلته انشورنس ترلاسه شي او دا به وخت ثابتوي چې دا منصوبه به د مېټرو بس او اورنج ټرېن منصوبو څخه زياته ګټه اولس ته ورسوي۔ وزيراعظم ووئيل قام ته وئيل غواړي چې لوي څښتن په قرآن كريم كښې امر كړې دې چې د رحمت للعالمينۖ په لاره روان شۍ او هم دا لاره زمونږ لپاره د بهترۍ ده او دې سره انسان عظيم جوړېږي۔ عمران خان ووئيل د يونيورسل هېلتھ انشورنس منصوبه به د صحت په څانګه كښې انقلاب راولي كومې څخه چې به يو هېلته سټركچر جوړېږي ځكه چې وړومبې به حكومت له فنډز خرڅ كولو سره روغتونونه جوړول وو٬ لكه څنګه چې په پنجاب كښې په نوې روغتونونو څومره فنډز خرڅ كېږي په تاريخ كښې مثال نه لري٬ د ذكر شوې منصوبې نه پس به نجي څانګه خپل روغتونونه جوړوي٬ دوي ته به حكومت په طبي آلاتو ډيوټي فري درآمد او د زمكو وركولو پشمول نور مراعات وركوي۔ وزيراعظم ووئيل واكدارانو په وړومبي ځل د كم آمدن طبقې ته بېنكونو څخه د قرضو وركولو بندوبست كړې كومې لپاره چې 110 اربه روپۍ منظور كړې شوې دي او 34 اربه روپۍ اولس ته ترلاسه شوې دي٬ دغسې د کامياب پاکستان پروګرام له مخې 20 لكه كورنۍ د اخوت د لارې كور جوړولو لپاره قرضې وركوي او په ښاريو او كليوالو سيمو كښې كاروبار لپاره 5 لكه روپۍ د سود نه غېر قرصې وركولې شي، د دې نه علاوه په احساس راشن پروګرام كښې 54 فيصده آبادۍ ته اوړه٬ غوړي او دالونه په 30 فيصده سبسډي وركولې كېږي، د دې ټولو اقداماتو مقصد دا دې چې د مدينې رياست كومه لاره ښودلې مونږ په ھغې روان شؤ۔ ده ووئيل دا خبره د خوشحالۍ ده چې پنجاب په مړانه هېلته انشورنس منصوبه پېل كړې ده مونږ بشپړه تياري لرؤ ٬ په دې منصوبه كښې پېښې مسئلې به هم حل كوٶ او تر مارچ مياشت كال 2022 به د پنجاب ټولو كورنيو ته هېلته كارډ ترلاسه شي۔ د دې نه وړاندې وزيراعظم عمران خان بېلا بېلو څانګو سره تعلق لرونكو كسانو ته قامي هېلته كارډ وركړل۔ د يادونې وړ ده چې پنجاب كښې ډي جي خان او ساهيوال ډويژن كښې نوې پاكستان قامي صحت كارډ وركړې شوې دې او په لاهور ډويژن كښې به د جنورۍ وړومبۍ نېټې٬ پېنډۍ ډويژن كښې به د جنورۍ په شلمه نيټه٬ فېصل آباد ډويژن كښې به د فرورۍ په نهمه نېټه٬ ملتان ډويژن كښې به د فرورۍ په 22مه نېټه او پاتې ډويژونو كښې به تر 31 مارچ كال 2022 هېلته انشورنس وركړې شي۔ دستورې ته د پنجاب وزيراعلی سردار عثمان بزدار هم وېنا وكړه
