اسلام آباد 04 جنوري (اے پي پي) په سېنېټ كښې د حكومتي ډلې مشر ډاكټر شهزاد وسيم وئيلي دي چې د پخواني وفاقي وزير پرويز رشيد او مرېم نواز آډيو سره د هغوې څېره په ډاګه شوې چې هغوې څه ډول په ميډيا اثر انداز كېږي، هغوي نور هم د خپل ځان په شان ګڼي۔ د نهې په ورځ د سېنېټ په غونډه كښې د اعتراض په نكته ده ووئيل په دې آډيو كښې سينئر خبريالان حسن نثار، ارشاد بھټي، حفيظ نيازي ، مظهر عباس او موجوده جج بابر ستار نامه اخستې شوې، دغه خبريالانو ته سپكې تورې وئيلي شوې۔ د صحافت د آزادۍ خبره كونكې دا ذهنيت لري،د هغه وخت د وزيراعظم لور په كوم حيثيت دغه احكامات وركول۔ د هغوې د ميډيا مينجمنټ بيانيه په دلائل نه په لفافه ده، هغوې نور هم د خپل ځان په شان ګڼي۔ ده ووئيل د خبريالانو د اظهار رائې په آزادۍ چرې هم سمجھوته نه ده شوې او د رښتيا علم پورته كړې شوې۔ مريم نواز د كيلبري فونټ څخه شهرت موندلې بيا قطري خط او اوس آډيو ته خبره رسيدلې، قوم دې دوې اوپيژنې۔
