اسلام آباد 30 جنوري (اے پي پي) خارجه وزير مخدوم شاه محمود قريشي وئيلي دي چې په هېواد كښې د ترهګرې اوسنې پېښې د افسوس وړ دي، هېواد دښمن عناصر نه غواړي چې په پاكستان او منطقه كښې امن او استحكام وي، امنيتي ادارو وړاندې هم ترهګرو ته ماتې وركړې وه او په راتلونكي وخت كښې به ئې هم وركوي، په افغان پوله د ازغن تار لګېدو په نتيجه كښې په حالاتو كښې كافي بهتري راغلې ده، زمونږ هڅه ده چې سل فيصده د ازغن تار لګولو كار زر ترسره شي چې دغسې شرخوښي عناصر هېواد ته د داخلې موقع ونه لري د سټېټ بنك بل منظوري د وزيراعظم عمران خان يوه بله بريا ده. د اتوار په ورځ نجي ټي وي چېنل سره په خبرو كښې ده ووئيل چې وزيراعظم عمران خان په خاص بلنه د چين په دوره روان دے، د دورې په مهال به د چين صدر او نورو اعلٰی چارواكو سره ملاقاتونه كېږي. د ملاقاتونو په مهال به په معاشي سېكورټۍ ، ستراتېژيكي معاملو، د دوه اړخيزه اړيكو په وده، سي پېك، افغانستان او د كشمير مسئلې صورتحال پشمول په سيمه ايزو ستونزو خبرې كولې شي. شاه محمود قريشي ووئيل چې ځينې هېوادونو د ونټر اولمپكس ګېمز بائيكاټ كړے دے. مونږ چين سره د يووالي څرګندونې لپاره روان يو، مونږ لوبې د سياست نه بالا ګڼو. په دې موقع د دوست او ستراتېژيكي شراكت په توګه چين سره د يووالي څرګندونې لپاره موجود يو. د يوې پوښتنې په ځواب كښې ده ووئيل چې د سټېټ بنك بل په منظورې كښې په سېنېټ كښې د مخالفې ډلې مشر سيد يوسف رضا ګېلاني كليدي كردار ترسره كړے، د ټولو ګوندونو د هېواد په ګټه په پرېكړه كولو مننه كوو. د يوې پوښتنې په ځواب كښې ده ووئيل چې افغان حكومت واضح دريځ لري چې چا ته بههم د پاكستان يا كوم بل هېواد په ضد د خپلې خاورې كارولو اجازه ورنه كړو، مونږ هم نه غواړو چې زمونږ خاوره د كوم بل چا په ضد وكارول شي، په تېر وخت كښې هند د ترهګرو پټ پناه مرستې كړې ده، په دې لړ كښې به ډوزېئر د ملګرو ملتونو سېكرټري جنرل، د سلامتي كونسل صدر او د بېلا بېلو هېوادونو خارجه وزيرانو ته وړاندې كړي دي او د دوي څخه مې غوښتنه كړې ده چې د دې تحقيق وكړي.
