كراچې 29 جنوري (اے پي پي) د تجارانو به په هر صورت مرسته كوو، مونږ كراچې لپاره په اخلاص سره كار كوو، كراچې ته وفاق ګرين لائن پروژه وركړې، كے فور پروژه به هم وفاقي حكومت ترسره كوي. دا خبرې د سندھ ګورنر عمران اسماعيل او وفاقي وزير اسد عمر د خالي په ورځ په كوآپرېټو ماركيټ كښې د سوځېدليو دكانونو د بحالې دستورې ته په خپله وېنا كښې وكړې. دستورې ته په سندھ اسمبلۍ كښې د مخالفې ډلې مشر حليم عادل شېخ او نورو هم وېنا وكړه. وفاقي وزير اسد عمر دستورې ته په خپله وېنا كښې ووئيل چې وفاق كراچې ته د ګرين لائن پروژه وركړې ده. ده ووئيل چې د كراچې سركلر پروژې ترسره كېدو سره به وګړي د سفر غوره اسانيې ولري. ده ووئيل چې د كے فور پروژه د سندھ حكومت پېل كړې وه خو جوړه ئې نه كړې شوه، مونږ به اوس په دې سل فيصده رقم خرڅ كوو، دا پروژه به وفاقي حكومت ترسره كوي. وفاقي وزير ووئيل چې مونږ د ټول هېواد رغونې او پرمختګ لپاره كار كوو. تجارانو د ماركيټ په بحالې د خوشحالې څرګندونه كړې ده.
