اسلام آباد21دسمبر (اے پي پي) وزيراعظم عمران خان وئيلي دي د اسلامي مرستې تنظيم د خارجه وزيرانو د كونسل غېر معمولي غونډې په پاكستان كښې په كېدو نړۍ كښې زمونږ تشخص ښه شوے٬ نړۍ د افغانستان پحقله زمونږ د موقف تائيد كړے ،د قانون حكمرانۍ او د مېرټ سرلوړۍ نه غېر يو هېواد پرمختګ نشي كولے ، مونږ له خپل هېواد كښې د قانون سرلوړۍ له وده وركول دي٬ پخپل ځان باور سره به مونږ يو ځل بيا د 60 لسيزې غوندې په تندۍ سره د پرمختګ په لور روان شو، زمونږ په درې كلنه دور كښې د پاكستان عزت ښه او نړيوالې رويې بدلې شوي ۔ د نهې په ورځ وزيراعظم عمران خان د خارجه وزارت دوره كړې او پاکستان كښې د افغانستان په صورتحال داو آئي سي د خارجه وزيرانو د كونسل غېر معمولي غونډه په كم وخت كښې په كامياب انعقاد د خارجه وزارت عملې له مباركي وركړه۔ وزيراعظم په دې موقع دستورې ته خپلې وېنا كښې ووئيل خارجه وزارت ته د راتګ مقصد تاسو له مباركي دركول وو څنګه چې تاسو په ډېر لنډ نوټس د او آئي سي غونډه كاميابه كړې، ده ووئېل پاکستان كښې په ډېره موده پس داسې يوايونټ شوے او دا مشق به د او آئي سي راتلونكې غٶنډې لپاره مهم ثابت شي۔ وزيراعظم ووئيل د هر هېواد په تاريخ كښې نشيب و فراز راځي خو مونږ خپل هېواد ته د رامخې ته نشېب و فراز تور په بل چا نشو لګولے ، مونږ غېر ملكي مرستې لپاره د خپل هېواد عزت په داٶ لګولے ،په ماضي كښې د خپل اولس مفاداتو په ضد پېسې لپاره خارجه پاليسي جوړه كړې شوې ٬ ده ووئېل د ترهګرۍ په ضد مونږ اوږد جنګ كړے ٬ چې مطمع نظر ئې د بده مرغه ډالر و ٶ، كله چې مونږ د اصولو په خلاف داسې پرېكړې وكړو نو د هغې ګټه به وختي وي خو بيا به د زيان سره مخ كېږو۔ ده ووئيل د ماضي ناسمه پرېكړو په سبب مونږ وروستو پستۍ پاتي شوي يو ۔ وزيراعظمووئيل مونږ خوشحاله يو چې په دريو كالو كښې د نړۍ د پاكستان پحقله رويه مختلف شوې٬ د پاکستان په تاريخ كښې چې د څومره مالي زيان سره زمونږ حكومت مخ شوے شايد چې كوم بل هېواد دې سره مخ شوے وي،چې يو پكښې د كرونا بحران هم دے۔ وزيراعظم ووئيل په كوم ځاے چې نن پاكستان ولاړ دے ٬ عزت ئې زيات شوے٬ ستونزې اوس هم شته ٬ خو عزت زيات شوے ٬ ده ووئېل د او آئي د خارجه وزيرانو د كونسل كاميابه غونډه د دې عكاس ده، ټوله اسلامي نړۍ مونږ سره ولاړه ده٬ د دې كنفرنس په كاميابۍ كښې د خارجه وزارت لوي لاس دے،ده ووئېل په دې كنفرنس كښې چې كوم قراردادونه منظور شوي په ھغې زمونږ مقاصد ترسره شوي ، د او آئي سي په غونډه كښې رامخې ته شوےموقف اوس نړيوال حېثيت اختيار كړے ، اروپائي ائتلاف او ملګري ملتونه هم د دې موقف تائيد كوي او د كانګرېس د غړو لخوا ليكلې شوې چيټۍ زمونږ د موقف تائيد دے۔ وزيراعظم ووئيل زمونږ موقف دا دے چې د طالبانو حكومت كه دا چا خوښ وي يا نه خو د افغانستان د څلور كروړه اولس ژوند ځپلےكېږي چې اوس ئې نړۍ اعتراف كړے ٬ په كومه كچه چې انساني بحران رامخې ته كېږي د دې مخنيوي له زر تر زره مرستې ته اړتيا ده ۔ وزيراعظم ووئيل مونږ لپاره د افغانستان مسئله يوازې دا نه ده چې افغانستان زمونږ ګاٶنډي هېواد دے بلكې د پاكستان جوړېدو څخه وړاندې ورسره زمونږ نزدې تعلق پاتي دے،هلته يو انساني بحران دے چې انسانانو راپېدا كړے ، دلته د بېنك كهاتې كنګل دي۔ وزيراعظم ووئيل كله چې يو قام وروستو پاتي شي نو خودداري ئې متاثره كېږي، په پوخ يقين انسان هر څه كولې شي۔ وزيراعظم عمران خان ووئيل هند زمونږ نه څو چنده زيات لوي هېواد دے خو زما په دور كښې په 24 ون ډے كښې مونږ 19 مېچونه ګټلي وو ٬ دا د كامياب ټيم ورك نتيجه وه۔ وزيراعظم ووئيل د دې كنفرنس كاميابي هم د ټېم ورك نتيجه ده، په دې كښې د قانون نافذ كوٶنكو ادارو هم لوي كردار دے ځكه چې د ټولو دا يقين ٶ چې مونږ دا كولے شوو ، د قام په حېث پخپل ځان باور لرلو سره مونږ هر څه كولې شو، هم دا وجه وه چې زمونږ په دور كښې پاكستان نړيوال چيمپئن جوړ شو،ده ووئېل مونږ شوكت خانم هسپتال جوړ كړے كومه چې يوه معجزه وه او اوس دوېم او درېم روغتون هم جوړېږي۔ وزيراعظم ووئيل د زلزلې نه پس ټولې نړۍ زمونږ مرسته كړې او چې كله سېلاب راغلو نو د ګردې نړۍ څخه پاكستانيانو د يو بل مرسته كړې۔ وزيراعظم ووئيل په چا انحصار كولو سره په خپل ځان اعتماد كمېږي، پاکستان د 22 كروړه اولس هېواد دے كوم چې يو لوي طاقت دے، 90 لکه بهر مېشته پاكستانيان په هره څانګه كښې ډېر قابل او معياري خلق دي۔ وزيراعظم ووئيل مونږ له د خپل هېواد نظام سمول دي، د قانون حكمراني او مېرټ باوري كول دي ځكه چې د قانون د حكمرانۍ نه غېر يو هېواد ترقي نشي كولې،ده ووئېل اشرافيه د دې هېواد نظام كنټرول ساتلے، نړۍ كښې غريب هېوادونه د وسائلو د شتوالي باوجود زيات غريبانان كېږي او نيوزي لېنډ او سوېټزر لېنډ د وسائلو د نشتوالي باوجود يوازې د قانون سرلوړۍ څخه زيات خوشحاله هېوادونه دي۔ وزيراعظم ووئيل زمونږ هڅې خپله وداني راپورته كول دي، ده ووئېل طبقاتي نظام تعليم په دې هېواد كښې مختلف كلاسونه راپېدا كړي٬ دلته اشرافيه لپاره روغتون٬ قانون او انصاف جلا دے۔ وزيراعظم ووئيل يو هېواد شپه په شپه ترقي نشي كولې٬ مونږ د كرنټ اكاٶنټ په خساره قابو موندلے ٶ خو د خوراكي توكو بيعه زياتېدو سره مونږ بيا دې زيان سره مخ يو، د ډالربيعه كميدو سره په روپۍ فشار راځي۔ ده ووئيل زه هيله لرم چې پاکستان يو ځل بيا د 60 لسيزې كښې چې څنګه ترقي كوله په ھغه رفتار به ترقي كوي۔ وزيراعظم عمران خان ووئيل ګرده نرۍ كښې به خپل سفيران متحرك كوٶ دغسې چې ھغوي بهرنۍ نړۍ څخه سرمايه كار پاكستان ته راولي۔
