اسلام آباد 23 نومبر (اے پي پي) نګران وزيراعظم انوار الحق کاکړ وئيلي دي په هېواد كښې د قدرتي آفتونو پېشنګوئۍ٬ د دغې د زيان مخنيوي او اثرات كمولو لپاره د اېن ډي اېم اے او اېن اي او سي اقدامات د ستائنې وړ دي٬ اېن ډي اېم اے دې د صوبائي ادارو مرسته كولو سره د هغوي د كار استعداد زياتولو له مرسته وكړي، په کوپ۔28 كښې دې پاكستان د موسمياتي بدلون مضر اثرات سره سره نړۍ د خپلو تجربو نه هم خبر كړي۔د وزيراعظم آفس ميډيا ونګ لخوا د جاري بيان له مخې وزيراعظم انوار الحق کاکړ د زيارت په ورځ نېشنل اېمرجنسي آپرېشن سنټر (اېن اي او سي) دوره كړې چرته چې وزيراعظم ته په پاكستان كښې د افتونو د زيان مخنيوي پحقله د تيارو٬ د آفتونو نه پس د بحالۍ كار او په يو اے اي كښې د ملګرو ملتونو كنفرنس آف پارټيز (كوپ-28) 28مې غونډه كښې د پاكستان نمائندګۍ پحقله تجويزونه وړاندې كړے شول۔ په دې موقع وفاقي نګران وزيران جليل عباس جېلاني، ډاکټر شمشاد اختر او اړوند چارواكي هم د بريفنګ په مهال وزيراعظم سره وو۔ غونډې ته د اېن ډي اېم اے چيئرمېن ليفټيننټ جنرل انعام حېدر ملك ګډون كوٶنكو ته بريفنګ وركړو۔ غونډې ته ووئيل شول د اېن ډي اېم اے له مخې پاكستان كښې د افتونو مخنيوي لپاره لائحه عمل جوړ دے چې پكښې د قدرتي افتونو په اړه دوه مياشتې وړاندې پېشنګوئي او د دې زيانونه كمولو لپاره لائحه شامله ده ۔ غونډې د کوپ۔28 په تناظر كښې پاكستان ته د موسمياتي بدلون او د جغرافيائي اعتبار سره د رامخې ته خطرو نه هم خبر كړې شوه ۔ غونډې ته ووئيل شول پاكستان د موسمياتي بلدون څخه تر ټول زياتو ځپلو هېوادونو كښې شامل دے چې په سبب ئې په ګليشيئرز كښې كمے ، د سېلاب راتللو، د واورو كمرې نړېدو ، لېنډ سلائيډنګ، په ځنګلونو كښې د اور لګېدل او نورې خطرې رامخې ته دي۔ غونډې ته د اېن ډي اېم اے لخوا موبائل ډيزاسټر وهيکلز، سيټلائټ مانيټرنګ او جديد ټيکنالوجۍ استعمال څخه د قدرتي افتونو هائي رسك سيمو كښې د مانيټرنګ د تګلارې پحقله هم بريفنګ وركړے شو۔ غونډې ته ووئيل شول اېن ډي اېم اے په دې لړ كښې ټول معلومات صوبائي حکومتونو او ضلعي انتظاميه ته هم وركړي او موسمياتي بدلون څخه د رامخې ته قدرتي افتونو مضر اثرات كمولو كښې هم پرله پسې مرسته كوي۔ غونډه د موسمياتي بدلون په زراعت، معيشت او مواصلاتي نظام د اثرات نه هم خبر كړې شوه۔ وزيراعظم د اېن ډي اېم او د اېن اي او سي د اقدامات ستائنه كولو سره اېن ډي اېم اے ته پي ډي اېم ايز سره مرستې او د يوې قامي لائحې جوړولو امر وكړو۔ وزيراعظم ووئيل اېن اي او سي كښې د موسمياتي بدلون اثراتو پحقله د ګردې نړۍ پشمول دې د پاكستانو پوهانو د تحقيق څخه استفاده وكړې شي۔ وزيراعظم انوار الحق کاکړ ووئيل چې په هېواد كښې د قدرتي آفتونو پېشنګوئۍ٬ د دې مخنيوي او اثرات كمولو لپاره د اېن ډي اېم اے او اېن اي او سي اقدامات د ستائنې وړ دي٬ده ووئېل اېن ډي اېم اے دې د صوبائي ادارو مرسته كولو سره د دوي د كار استعداد زياتولو له هم مرسته وكړي۔ ده ووئيل په کوپ۔28 كښې دې پاكستان د موسمياتي بدلون مضر اثرات سره سره نړۍ د خپلو تجربو نه هم خبر كړي۔ په دې موقع وزيراعظم د اېن اي او سي د بېلا بېلو برخو دوره وكړه په موقع موجود چارواكو٬ ځوانانو او پوهانو سره ئې خبرې وكړې۔
