اسلام آباد 10 نومبر (اے پي پي) وفاقي کابينې ګرد هېواد كښې د كرونا كېسونو او د مرګونو د زياتېدونكې شرح په سبب اولس ته غږ كړے چې كورونا يوه مرګونې وباﺀ ده ٬ د ماسك اچول او په اېس او پيز عمل كولو سره مونږ دې وباء ته ماتې وركولې شوو ، د روزګار او كاروباري چارو نه علاوه د كرونا خپرېدو سبب جوړېدونكې څانګې به وار په وار بندولې شي، حکومت به هم په دې موقع يوه اولسي غونډه نه كوي٬ وفاقي كابينې بې وسه او مېنځنۍ طبقې ته غوره آسانۍ وركولو لپاره د 4 ټرېليونه سبسډي معقوله جوړولو سره د ټارګټډ سبسډي معرفي كولو، د غنمو د راتلونكي فصل امدادي بيعه 1650 روپۍ د 40 كلو په سر كولو او د سعودي حكومت لخوا تجويز كړي د ډيجټيل کوآپرېشن آرګنائزېشن جوړولو منظوري وركړې۔ د وزيراعظم عمران خان په مشرۍ كښې د وفاقي كابينې غونډې نه پس ميډيا ته د بريفنګ په مهال د اطلاعات او خپرونو وفاقي وزير سنيټر شبلي فراز ووئيل محصولات لپاره خاص مرستيال ډاکټر وقار مسعود كابينېته د سبسډي او ګرانټس طريقه كار په معقوله جوړولو تفصيلي بريفنګ وركړے٬ كابينې ته د تېرو 13 كالو په مهال د محصولات٬ خرڅونو٬ سبسډي او ګرانټس معاشي تقابلي جاج وړاندې كړے شوے۔ کابينې ته ووئيل شول د اوسطاً قرض وركولو په سبب د خرڅونو شرح د محصولات نه زياته وه۔ وقار مسعود ووئيل دا مهال نزدې د معيشت په ټولو څانګو لكه توان ٬ كركيلې٬ صنعت او نورو په اړه سبسډي او ګرانټس وركړے كېږې چې په سوب ئې په خزانه فشار راځي ٬ سرکاري ادارو نه د سبسډي او ګرانټس په مد كښې حكومت ته يوازې يو فيصد ګټه بېرته ترلاسه كېږي٬ دا مهال د سبسډي او ګرانټس مجموعي حجم د جي ډي پي 4.5 فيصده جوړېږي۔ ده د ټارګټډ سبسډي په اړه كابينې ته وړاندېزونه هم وركړل٬ دا وړاندېز وركړے شو چې احساس ډېټا بېس دې بې وسه كسانو لپاره د ټارګټډ سبسډي وركولو په اړه وكارولې شي۔ وزيراعظم ووئيل د سبسډي او ګرانټس اصلي حق دار بې وسه طبقه ده٬ دا مهال سبسډي شتمندو او بې وسه دواړو ته ترلاسه كېږي۔ وزيراعظم امر وكړو چې ټارګټډ سبسډي له داسې تګلاره جوړه كړئ چې ګټه ئې په خاص توګه بې وسه طبقو او پسماندي سيمو ته ورسي٬ د موجوده حکومت دا لويه كاميابي ده چې شېډولډ بېنكونو كښې د سركاري ادارو ډيپازټس سټېټ بېنك ته منتقل كړے شوي چې ورسره ډېر بچت شوے ۔ وزيراعظم سپارښتنه وكړه چې د ټولو ادارو تفصيلي جاج واخلئ كومو كښې چې بې وسه او پسمانده سيمو ته ټارګټډ سبسډي وركړې كېدې شي او جامع منصوبه بندي د عملدرآمد مودې سره وړاندې كړئ۔ دغسې کابينې د ټرېډ ډويلپمنټ اتھارټۍ آف پاکستان ته د جغرافيائي انډېكس رجسټرېشن له مخې د رجسټرنټ(Registrant) حېثيت وركولو منظوري هم وركړه ٬ دا منظوري د پاكستان جغرافيائي حدود څخه تړلې شوې پېداوار او مصنوعاتو ته په نړۍ كښې جلا شناخت وركولو لپاره وركړې شوې٬ د پاکستان مخصوس پېداور او مصنوعات چې پكښې باسمتي وريژې ، کېنو، آم ، اجرك ، کټلري وغيره د هېواد جغرافيائي شناخت سره تعلق لري د دې په سبب د پاكستان برآمدات جلا پېژندګلې لري۔ کابينه د تعزيرات پاکستان دفعه 188 له مخې د عمر فاروق ظهور په ضد درج ايف آئي آر لمبر36/2020 او 40/2020 لپاره اېف آئي اے ته بهر هېواد كښې د جرائمو تحقيقاتو اجازه هم وركړه ٬کابينې د سېندك مېټل لېمټيډ په بورډ آف ډائريکټر كښې د تعيناتۍ اېجنډا د كابينې د غړو د اعتراضونو له مخې وځنډوله٬ دغسې كابينې د اي سي سي د 28م اكتوبر كال 2020 په غونډه كښې د شوې پرېكړو او د کابينې توان لپاره د کمېټۍ په 29م اكتوبر غونډه كښې د شوو پرېكړو هم توثيق وكړو٬ کابينې د فارمېسي کونسل آف پاکستان تنظيم نو او په کونسل كښې د تعيناتو چاره د اعتراضونو په سبب وځنډوله۔ دغسې وفاقي وزير اسد عمر کابينې د کرونا وباء په اړه د موجوده صورتحال نه خبر كړه٬ كابينې ته ووئيل شول د كرونا شرح په زياتېدو ده كومه چې د اندېښې وړ ده ٬ وزيراعظم د كابينې په وساطت سره قام ته غږ وكړو چې په اېس او پيز عمل وكړې او د ماسك اچول باوري كړې٬ وزيراعظم اېن سي او سي ته هم سپارښتنه وكړه چې د روزګار موقعې د متاثره كېدو نه غېر دې لائن آف اېكشن مرتب كړے شي٬ په دې موقع كابينې اصولي پرېكړه وكړه چې حكومت به په دې مهال يوه اولسي غونډه هم نه كوي۔ وفاقي وزير سنيټر شبلي فراز ووئيل د سندھ حكومت تېر كال د غنمو يوه دانه هم نه وه اخستې٬ حكومت د پاسكو د لارې سندھ ته 7 لكه ټنه غنم وركړي، ټولو صوبو غنم ريليز كړي خو د سندھ حكومت غنم نه دي ريليز كړي چې آثر ئې په نورو صوبو هم پرېوتے او د سندھ اولس هم په ګرانو غنمو٬ اوړو او ډوډۍ اخستو مجبوره شوي۔ ده ووئيل څنګه چې وړاندې د وزيراعظم عمران خان وژن له مخئ د غوره انتظاماتو د لارې كووېډ-19 ته ماتې وركړې شوې وه دغسې به د كورونا دوېمې چپې تمبولو له هم دغه ستراتېژكي خپلولې شي۔ د يوې پوښتنې په ځواب ده ووئيل د غنمو د نوي فصل د بيعې مقررولو اختيار وفاقي كابينې سره دے، صوبې يوازې د خپلې خوښې څرګندونه كولې شي٬ حكومت اولس ته ريليف وركولو لپاره د غنمو بيعه 1650 روپۍ 40 كلو ټاكلې چې پكښې سل روپۍ كروندګر لپاره سبسډي هم اېښودې شوې ده۔(GUL/ZIA/2120)
