اسلام آباد 02 دسمبر (اے پی پی) د وزیر اعظم د كورنيو چارو او احتساب صلاحكار بیرسټر شهزاد اكبر وئيلي دي چې اسحاق ډار په مركه كښې په ډاګه شوې۔اسحاق ډار د جائیداد په اړه دروغ وئيلي، د هغه په پاكستان كښې جائیدادونه شته۔ملتان كښې د اپوزیشن جلسه نه جلسی وه ، اپوزیشن ناكام هڅې كوي۔ ګلګت بلتستان ټاكنو كښې كاميابۍ سره ثابت شوې چې پی ټی آئی دا مهال هم تر ټولو خوښې ګوند دې۔نواز شریف او اسحا ق ډار هېواد ته راوستلو له اقدامات كوو۔ د دې خیالاتو څرګندونه ده د وزیراعظم سیاسی چارو خاص مرستيال ډاكټر شهباز سره خبري كنفرنس كښې وكړه۔وزیر اعظم د كورنيو چارو او احتساب صلاحكار بیرسټر شهزاد اكبر ووئيل 3 كاله وړاندې اسحاق ډار پاكستان خخه تللې دې۔ هغه داسې درملنه كوي د كومې درملنه چې په برتانيه كښې هم نشته۔ده ووئيل اسحاق ډار غیر ملكی خبريال د پوښتنو ځوابونه نه دې وركړې۔اسحاق ډار په مركه كښې په ډاګه شوې،كيدې شي اسحاق ډار د چا په وينا غیر ملكی چینل سره مركه كړې۔ده ووئيل اسحاق ډار وئيلي چې زما په پاكستان كښې يو جائیداد دې۔بی بی سی دې زمونږ سره رابطه وكړي مونږ به ورله د اېف بی آر څخه تفصیلات وركړو۔اسحاق ډار په پاكستان كښې ځينې جائیدادونه لري۔اسحاق ډار د جائیداد په اړه دروغ وئيلي۔ده ووئيل ملتان كښې د اپوزیشن جلسه نه جلسی وه ۔ملتان كښې دوي د جلسې لپاره 6 نه تر 7 زره كسان راجمع كړې ۔ اوس اپوزیشن لاهور كښې جلسه كوي۔ ده ووئيل كرونا وړومبي لهر كښې د اولس په مرسته په اېس او پیز عملدرآمد سره بچ شوې ؤ۔ دويم لهر كښې په اېس او پیز عملدرآمد پيل شوې دې۔پاكستان كووډ باوجود جی ډی پی پلس كښې دې۔ده ووئيل اپوزیشن ناكامه هڅې كوي۔ ګلګت بلتستان ټاكنو كښې كامیابۍ سره ثابت شوې چې پی ټی آئی اوس هم تر ټولو خوښ ګوند دې۔شهزاد اكبر ووئيل اسحاق ډار يو ملزم دې۔ د هغه د راوستلو لپاره خواست هم وركړې شوي۔اسحاق ډار په برتانيه كښې د سیاسی پناه خواست وركړې۔نواز شریف يو مجرم دې هغه په وزټ ویزه برتانيې ته تللې دې۔ د برتانيې حكومت سره رابطه شوې او خط هم ليږلې شوي۔خط كښې نواز شریف پاكستان ته د ډیپورټ كولو غوښتنه شوي۔د نواز شریف د ویزې كینسل كولو خط هم ليږلې شوي۔برتانيې حكومت سره خبرې اتري روانې دي۔نواز شریف وزټ ویزه 6 مياشتو وه۔نواز شریف به خپله ويزه نوې كوي۔ډی پورټ كولو اختیار ایګزیكټو سره وي۔ ده ووئيل تيرو دوه حكومتونو د الطاف حسین د راوستلو هڅې نه وي كړي۔زموڼږ په حكومت كښې بيل اقدامات شوې دي چې په تناظر كښې ئې د هغه په ضد برتانیه كښې كارروائي كیږي۔وزیر اعظم د سياسي چارو خاص مرستيال ډاكټر شهباز ګل ووئيل مریم نواز د پښو رپيدلو خبره كوي،تيره ورځ به ئې د اسحاق ډار د پښو رپيدل كتلې وي نو دا به معلومه شوې وي چې د چا پښې رپيږي۔پاكستان دښمن هڅه كوي چې پاكستان فاشسټ هېواد ډكلیئر كړې شي۔دوي هم پاكستان فاشسټ هېواد ګرځولو هڅه كوي ٬ كوم كښې چې هغوي ناكامه شوي او د دې كریډټ حكومت ،پاك پوځ او قوم ته ترلاسه دې۔ده ووئيل مركه كښې هغه وئيلي چې الیكشن غلا شوې ؤ۔اینكر ووئيل بايد تاسو پیټیشنز فائل كړې ؤ۔ خاص مرستيال ووئيل غیر ملكی چینل د نواز شریف سره د مركې تر ډير وخت راهسې هڅه كوي۔اسحاق ډار د مركې په مهال هر څه په ډاګه شو۔پاكستان كښې منی لانډرنګ كښې اسحاق ډار د دائی درجه ترلاسه كړي۔ ده ووئيل د اسحاق ډار پخپله مركې له نه ؤ تللې۔ د اولس په وړاندې د هغه اصل مخ په ډاګه شوې
