لاهور۔19دسمبر(اے پی پی) د رېلوے وفاقي وزير اعظم خان سواتي وئيلي دي اپوزيشن چې څه وخت هم استعفے وركړي مونږ به ئې منظور كړؤ۔ رېلوے مې چېلنج ګڼلو سره قبول كړې ده۔ د محكمې آمدن زياتولو له به فرېټ بزنس ته پراختيا وركولې شي۔ په رېلوے كښې تر ټولو زياته مسئله د سېفټي ده۔ په دې كښې به رعايت كولے نه شي۔ د ټولو مسافرو تحفظ له به ټولې ممكنه ذريعې كارولې شي۔ د وزیراعظم عمران خان رېلوے پالیسی به اولس ته رسولې شي۔ د رېلوے ټرېډ مارك به د عزت او عظمت نخښه جوړول وي۔ ددې خيالاتو څرګندونه هغه د خالي په ورځ رېلوے هېډكوارټرز كښې خبري كنفرنس ته خطاب كښې وكړه۔ وفاقی وزیر ووئيل رېلوے چېلنجنګ جاب دے ولې چې شېخ رشيد په كوم ډول كار كړے دے د هغه ځائې اخستلے نه شم۔ هغه ووئيل ميډيا د رياست څلورمه ستن ده۔ كه زما غفلتونه او كمزورۍ په ګوته نه كړې شوې نو رېلوے به ښه نه شي۔ هغه ووئيل ملازمين به رېلوے نه ويستلې نه شي بلكې نجي پارټنرشپ سره به تربيه كښې صلاحيت زياتولې شي۔ سفر به په وخت پېل كولے شي او رېلوے كښې به د صفائۍ هم خيال ساتلے شي۔ د پرېس كنفرنس نه وروستو د اپوزيشن استعفاګانو حوالې سره خپل ځواب كښې وفاقي وزير ووئيل څه وخت چې اپوزيشن استعفے وركړي مونږ به ئې قبوله كړو
