اسلام آباد۔21ستمبر(اے پی پی) د كابينې اقتصادي رابطه كمېټۍ سېلاب ځپليو لپاره د مرستې سامان اخستو او د لاجسټكس په ضمن كښې اېن ډي اېم اے له د 10 اربه روپو منظوري وركړې ده۔ د اقتصادي رابطه كمېټۍ غونډه د خزانې وفاقي وزير مفتاح اسماعيل په ورچوئل صدارت كښې وشوه۔ په غونډه كښې سېلاب ځپليو لپاره د مرستې سامان اخستو او د لاجسټكس په ضمن كښې اېن ډي اېم اے له د 10 اربه روپو منظوري وركړې شوې ۔ په غونډه كښې د خزانې وزارت ته د 5 اربه روپو په سمدستي توګه د جاري كولو هدايت هم وشو۔ په غونډه كښې د تجارت وزارت لخوا په وړاندې كړې سمرۍ تر 18 اګست پاكستان ته د رارسېدلو ممنوعه درآمدي څيزونو د پریښودلو منظوري هم وركړې شوه۔ په دې به د سرچارج شرح نافذ وي۔ په غونډه كښې د روغتيا وزارت ته د پېراسېټامول بيعې معقول جوړولو او د دې شتون باوري كولو له د وړاندې نه د جاري كړې سمرۍ بېرته اخستو او د نوې سمرۍ وړاندې كولو هدايت وكړے شو
