اسلام آباد 23 جولائي (اے پي پي)وزيراعظم محمد شهباز شريف د پاكستان او تركمانستان ترمينځه تجارتي٬اقتصادي٬سرمايه كارۍ او د كلتوري اړيكو زياتولو په ضرورت زور راوړولو سره د تركمانستان كمپنو ته په پاكستان كښې د سرمايه كارۍ بلنه وركړې ده۔د وزيراعظم آفس مېډيا ونګ لخوا جاري شوي بيان له مخې وزيراعظم محمد شهباز شريف سره د تركمانستان كابينې ډپټي چيئرمېن او خارجه وزير راشد ميريدووف د نهې په ورځ په وزيراعظم هاؤس كښې ملاقات وكړو ۔وزيراعظم د تركمانستان لارښود قربان ګلي بردي محمدوف سره د دې مياشتې په پېل كښې په آستانه كښې د شوي ملاقات ذكر كولو سره ووئېل مونږ د هغه پاكستان كښې هركلي كولو ته منتظر يو۔وزيراعظم د دواړو خارجه وزيرانو په مشرۍ كښې د پاكستان او تركمانستان ترمينځه د دوه اړخيزه سياسي مشاورت په درېم پړاؤ د اطمينان څرګندونه وكړه او د دواړو هېوادونو د ادارو په دې عمل كښې د رسمي شموليت په اهميت ئې زور راوړو ۔دوي د پاكستان او تركمانستان ترمينځه تجارتي٬اقتصادي٬سرمايه كارۍ او كلتوري اړيكو زياتولو په ضرورت هم زور راوړة ۔ ده د تركمانستان كمپنو ته په پاكستان كښې د سرمايه كارۍ بلنه هم وركړه ۔دغسې وزيراعظم په دې مهال غېر ملكي سرمايه كارو ته بېلو څانګو كښې آسانۍ وركولو كښې د خاص سرمايه كارۍ آسانيو كونسل په خاص په كردار رڼا واچوله۔ده د سيمه ايزې مرستې او رابطې اهميت هم رامخې ته كړو او تاپي ګاز پائپ لائن او نورو پروژو زر بشپړیدو لپاره ئې د پاكستان د كلك عزم پخلے وكړو۔
