اسلام آباد – 21 نومبر (اي پي پي) صدر ڊاڪٽر عارف علوي چيو آهي ته رياستي معاملن کي مديني جي رياست جي طرز تي آڻڻ جي لاءِ ضروري آهي ته اسان سڀ ديني، قومي ۽ گڏيل مفادن کي ترجيح ڏيون، پنهنجي سوچ ۽ روين ۾ مثبت تبديلي آڻيون ۽ تعليم نبوي صه تي ان جي روح موجب عمل ڪريون ته جيئن ملڪ ۾ هڪ فلاحي معاشري جو قيام ممڪن ٿي سگهي ڇو ته اڄ به انسانيت جي ڀلائي جو دارومدار ٻنهي جهانن جي سردار صه جي تعليم ۽ اسوه حسنه تي عمل ڪرڻ ۾ آهي. اها ڳالهه هن عيد ميلادالنبي صه جي خوشي جي موقعي تي قوم جي نالي پنهنجي پيغام ۾ چئي آهي جيڪا اڄ سڄي دنيا ۾ ملهائي پئي وڃي.
