اسلام آباد 08 جون (اے پي پي) د مالي كال 23-2022 په مهال د صحت په څانګه كښې د جي دي پي 1.4 فيصده مصرف كړې شوې۔ د زيارت په ورځ د وفاقي وزير اسحاق ډار په پرېس کنفرنس كښې په جاري كړې شوې اقتصادي سروے كښې د صحت څانګې پحقله ووئيل شول چې د مالي كال 2021 د يو فيصد په مقابل كښې د مالي كال 2022 په مهال د صحت څانګې جي ډي پي 1.4 فيصده مصرف كړې شوې۔ موجوده حکومت په سباٶن كښې د كرونا په طرز د هر ډول وبائي رنځونو او اېمرجنسي مخنيوي لپاره د پي اېس ډي پي له مخې په جاري منصوبو د كار رفتار ګړندې كړې چې له مخې ئې وبائي رنځونو لپاره يو د كوټلي نظام له مخې لېبز نېټ ورك جوړ كړے شوے دے۔ ده وويل د اوسني سېلابونو دلاسه د صحت يو شمېر مركزونو او روغتونون ته زيان رسېدلے او د دې بحالۍ لپاره حكومت عزم لري، د سېلاب د تباهۍ پحقله د رپورټ له مخې د دې مركزونو بيا جوړولو لپاره 40294 مېليونه روپۍ يعني 187.6 مېليونه ډالرز پكار دي۔ د سږني كال په وړومبو دريو مياشتو كښې اېن ډي اېم اے 20 لكه 44 زره نه زيات مچهر دانۍ٬ 7300 هائي جين کټس، 200 126 د خوراك پېکټس، 18860 د ابتدائي طبي مرستې كټس او نورو سامانونو پشمول ژوند بچ كوٶنكې 350 جېكټس هم وركړې دي٬ ترکيه او په سوريه كښې د زلزله ځپليو مرستې لپاره د اېن ډي اېم اے لخوا 7376 ټنه سامان چې پكښې خېمې٬ ګرمې جامې٬ خوراك او داروګان شامل دي وركړې شوې دي
