اسلام آباد۔23ستمبر(اے پی پی) سېلاب ځپلو ته د خوراکي توکو رسولو په برخه كښې د مېټرو پاكستان (پرائيوېټ) لمېټډ او هلال احمر ترمينځه د تفاهم يادښت لاس ليك شوے چې له مخې به يۍ د دواړو ادارو ترمينځه وركنګ ريلېشن مستحكم كولې شي٬ سېلاب ځپلو کورنيو ته به د بشري مرستو له مخې خوراکي توکي او د کور سامان ورکولے شي۔ په دې لړ كښی به د يو پراخه فرېم ورك لاندې
مېټرو پاکستان (پرائیوېټ) لمیټډ سماجی ذمه واري ترسره كولو سره د هلالِ احمر پاکستان لخوا د وركړې شوي فهرست له مخې راشن پېكټس هلال احمر ته سپاري۔ د تفاهم يادښت له مخې تر 31 دسمبر 2022ء به مېټروکېش اېنډ کېری د 11 ملینه روپو سامان هلال احمر ته وركړي۔ د تفاهم دا يادښت د هلال احمر عمومي سېكتر ډاکټر عدیل نواز او د مېټرو كېشن اېنډ كېري ډائرېكټر كارپورېټ افيئرز پروېز اختر لاس ليك كړے۔
