اسلام آباد 09 نومبر (اے پی پی) د نوي پاكستان هاٶسنګ ډوېلپمنټ اتهارټۍ چيئرمېن لېفټېننټ جنرل ﴿ر﴾ انور علي حېدر د كوريا د كمپنې جي- سونګو لخوا د تيار كړې شوي په پاكستان كښې د وړومبي فېبريكېټډ كور پرانسته وكړه. د ګل په ورځ په پاك چائنه سنټر كښې د كمپنې لخوا د فېبريكېټډ هاٶس ډېمو وړاندې كړې شوه چې پكښې د د نوي پاكستان هاٶسنګ ډوېلپمنټ اتهارټۍ چيئرمېن لېفټېننټ جنرل ﴿ر﴾ انور علي حېدر، ډپټي چيئرمېن مېجر جنرال ﴿ر﴾ عامر اسلم خان پشمول د كمپنې استازو او نورو خلقو ګډون وكړو. په دې موقع د نوي پاكستان هاٶسنګ ډوېلپمنټ اتهارټۍ چيئرمېن لېفټېننټ جنرل ﴿ر﴾ انور علي حېدر په خپلو خبرو كښې ووئيل چې مېنځنې او غريب طبقې ته د كم لګښت كورونو وركول د حكومت په ترجيحاتو كښې شامل دي. دې مقصد لپاره به حكومت بلډرز او نورو اړونډ ډلو ته هر ډول ممكنه اسانيې وركوي. د كمپنې لخوا د نوي پاكستان هاٶسنګ ډوېلپمنټ اتهارټۍ ته بريفنګ وركړے شو. د كمپنې استازي ووئيل چې د دوه بېډرومز كور په اوو ورځو كښې تيار كړے شوے. نورو خصوصياتو سره د دې كور ژوند 50 كاله دے. ده ووئيل چې د دې كور په تيارې كښې كارول شوې مېټريل درآمد كړے شوے او دا په هېواد كښې دننه هم تيارېدې شي. د دې كور په تيارې كښې انسولېشن والز استعمال كړې شوي دي كوم چې د روايتي كور په مقابله كښې 43 چنده بهتر دي، دا كور د اور لګېدو او د زلزلې د خطراتو نه هم محفوظ دے. ده ووئيل چې زمونږ كمپنې څلور منزله كورونه او اپارټمنټس جوړولې شي. ده ووئيل چې د جديد ټېكنالوجې منتقلې سره به نه يوازې غېر ملكي سرمايه كاري راشي بلكې دې سره به په تعميرانو او نورو اړوند څانګو كښې د روزګار موقعې په پېدا كېدو مرسته وشي. د كمپنې استازي ووئيل چې د دوي كمپنې د وزيراعظم عمران خان د 50 لكه كورونو جوړولو په وژن كښې ژوره خوښي څرګنده كړې. كمپنې په كال د 18 زره كورونو او اپارټمنټس جوړولو صلاحيت لري. ده ووئيل چې د پېداوار اسانيو سره په پېداوار كښې اضافه كېدې شي. د دې نه پس د نوي پاكستان هاٶسنګ ډوېلپمنټ اتهارټۍ چيئرمېن د كمپنې لخوا د تيار كړې شوي وړومبې فېبرېكېټډ كور معائنه وكړه. په دې موقع د نوي پاكستان هاٶسنګ ډوېلپمنټ اتهارټۍ ډپټي چيئرمېن مېجر جنرال ﴿ر﴾ عامر اسلم خان او نور اعلٰي چارواكي هم موجود وو
