ملتان 05 دسمبر (اے پي پي) خارجه وزير شاه محمود قريشي د وزيراعظم سېټيزن پورټل په دوه كاله پوره كېدو مباركي وركړې. د خالي په ورځ په خپل يو بيان كښې ده ووئيل چې وزيراعظم عمران خان اولس سره د دوي په كور د انصاف وركولو لوظ د وزيراعظم سېټيزن پورټل د لارې ترسره كړے. دا هغه بدلون دے د كوم لوظ چې وزيراعظم عمران خان او تحريك انصاف قوم سره كړے و. ده ووئيل چې زه خوشحاله يم چې خارجه وزارت د وزيراعظم په سېټيزن پورټل د ترلاسه شويو شكاياتو په وخت ازالې لپاره د غوره كاركردګۍ څرګندونه كړې او د كورونا نړيوال وبائي چېلنج په مهال مونږ په ټوله نړۍ كښې د مېشته پاكستانيانو مرستې لپاره د 24/7 په بنيادونو كرائسز سېنټر جوړ كړے. مخدوم شاه محمود قريشي ووئيل چې مونږ د بېرته راتللو منتظر د لكونو په شمېر پاكستانيانو مرسته كړې. په ټوله نړۍ كښې زمونږ سفيرانو سره د محدود معاشي وسيلو د پاكستانې ټولنې مرسته كړې. پاكستانې ټولنېې په سوشل مېډيا د وېډيو پېغاماتو د لارې د پاكستاني سفارتخانو د كردار ستائنه كړې او د دوي كاركردګي ئې ستائيلې. ده ووئيل چې د خارجه وزارت افسرانو يو ځل بيا ثابته كړې چې خواري وي او خدمت خلق نصب العېن وي نو بريا ضرور ترلاسه كېږي. په دې بريا خارجه سېكرټري سهېل محمود او د خارجه وزارت ټولې ډلې ته مباركي وايم.
