اسلام آباد۔13دسمبر(اے پی پی) د پنجاب ګورنر چوهدري محمد سرور وئيلي دي چې وزیر اعظم عمران خان به استعفی وركړي او نه به حكومت ختم شي۔ اپوزيشن د لانګ مارچ او استعفاګانو دړكو سره په حكومت د فشار اچولو ناكامه هڅه كوي۔ 5 كلنه موده ترسره كول زمونږ جمهوري حق دے او دې نه به چرته په شا نه شؤ۔ هغه د اتوار په ورځ ګورنر هاؤس كښې د تحريك انصاف د پنجاب اسمبلۍ غړو پلاوي سره خبرې كولې۔ د ملاقات په مهال خپلو خبرو كښې ګورنر ووئيل د اپوزيشن د جلسو سياست د لاهور په شمول د ګرد پاكستان وګړو مسترد كړے دے۔ هغه ووئيل هېواد ته د پېښو ستونزو بنيادي سبب د پخوانو واكمنو د اربونو ډالرو قرضې اخستل ٬ كرپشن او نورې مسئلې دي۔ ولې مونږ اولس سره لوظ كړے دے چې دوئي ته به كرپشن ٬ ګرانۍ او بېروزګارۍ نه نجات وركوؤ۔ هغه ووئيل د اپوزيشن ذمه واري دا ده چې هغه د سازشونو كولو په ځائې كال 2023ﺀ كښې د كېدونكو ټول ټاكنو انتظار وكړي۔ بيا چې اولس خپل طاقت سره څوك خوښوي هغه به وټاكي۔ هغه ووئيل وزيراعظم به تر كال 2023 وزیر اعظم وي او حكومت به د پاكستان تحريك انصاف وي۔ هغه زياته كړه چې اپوزيشن ته به د ناكامۍ نه سوا بل څه ترلاسه نه شي
