پاكستان كښې د چين سفير نونګ رونګ د وزيراعظم خصوصي مرستيال ملك امين اسلم سره ملاقات
اسلام آباد۔14دسمبر(اے پی پی) پاكستان كښې د چين سفير نونګ رونګ د وزيراعظم د موسمياتي بدلون خصوصي مرستيال ملك امين اسلم سره د ګل په ورځ د موسمياتي بدلون وزارت كښې ملاقات كړے۔ ملاقات كښې د ماحوليات ٬ موسمي بدلون ٬ ډيزاسټر رسك مېنجمنټ ٬ ګرين اكنامك رېكوري ٬ د تجديد وړ توان او د وائلډ لائف تحفظ په حقله دوه اړخيزه مرستې ته د ودې وركولو په ډول چارو د خيالاتو څرګندونه وشوه۔ ملاقات كښې په دې صلاح راغله چې پاك چين اقتصادي راهداري به په ګرين پاك چين اقتصادي راهدارۍ بدلولې شي۔ ملک امین اسلم ملک پاكستان كښې د چين سفير نونګ رونګ د وزیراعظم عمران خان کلین ګرین ویژن په اړه خبر كړو۔ امین اسلم د چين سفير هېواد كښې د ټرانسپورټ سسټم نوې كولو له نېشنل الېکټرک وهیکل پالیسی، د جنګلونو ساتنې او د وائلډ لائف په اړه د ټین بلین ټری سونامی پروګرام څخه ترلاسه كېدونكو ماحولياتي او معاشي ګټو نه هم خبر كړو۔ د ګرين منصوبې په پېل كولو د چين سفير د وزيراعظم عمران خان ستائنه وكړه او د وزیرِ اعظم د ګرين پاكستان ویژن په حقله ئې په هره كچه د مرستې باور وركړو۔ پاكستان كښې د چين سفير نونګ رونګ د موسمياتي بدلون لخوا ماحولياتي تحفظ او د ګرين منصوبې په پېل كولو د وزيراعظم د خاص مرستيال ملك امين اسلم او د وزارت د هڅو ستائنه وكړه۔
