اسلام آباد 02 جنوري (اے پي پي) نېشنل كمانډ اېنډ آپرېشن سنټر﴿اېن سي او سي﴾ د كورونا په اړه تازه شمېرې جاري كړې دي. د اېن سي او سي لخوا جاري شويو شمېرو له مخې د تېرو 24 ساعتونو په مهال په هېواد كښې د كورونا وائرس په نتيجه كښې 82 كسان په حق رسېدلي او د كورونا وائرس نور 2184 مثبت كېسونه رامخې ته شوي دي. د شمېرو له مخې په هېواد كښې تر اوسه د كورونا په وبا كښې 10 زره 258 كسان په حق رسېدلي دي. د تېرو 24 ساعتونو په مهال د كورونا 38 زره 229 ټېسټونه شوي دي. په ټول هېواد كښې تر اوسه د كورونا د شويو ټېسټونو شمېره 67 لکه 75 زره 307 ده. په ټول هېواد كښې د كورونا وائرس د رنځورانو ټوله شمېره 4 لکھ 84 زره 362 ته رسېدلې. د روغ شويو كسانو شمېره 4 لکھ 38 زره 974 ده. د فعاله كېسونو شمېره 35 زره 110 ده۔
