اسلام آباد 26 دسمبر(اے پي پي) پاكستان په مقبوضه جمو و كشمير كښې د هندي قابض ځواكونو دلاسه د نورو 6 كشميريانو د ماورائے عدالت قتل سخته غندنه كړې. د خارجه دفتر وياند د اتوار په ورځ په خپل يو بيان كښې ووئيل چې پاكستان په مقبوضه جمو و كشمير كښې د قابض هندي ځواكونو دلاسه د تېرو درې ورځو په مهال په جعلي مقابلو او تش د نوم محاصره او لټون كښې د نورو شپږو كشميري ځوانانو د ماورائے عدالت قتل سخته غندنه كوي. وياند ووئيل چې د اتوار په ورځ هندي قابض ځواكونو يو بل 19 كلن زده كوونكې د مقبوضه كشمير په اسلام آباد سيمه كښې شهيد كړے دے كوم چې بې ګناه و. د دسمبر په مياشت كښې هندي ځواكونو تر اوسه 18 كشميريان شهيدان كړي دي. وياند نړيوالې ټولنې ته ووئيل چې هغه دې په مقبوضه جمو و كشمير كښې هند د بشري حقونو او نړيوالو قوانينو څخه په منظم سرغړونو هند ځواب وركوونكې وګرځوي.
