اسلام آباد 01 فروري (اے پي پي)د مذهبنو ترمېنځه همغږۍ لپاره د وزيراعظم خاص استازي او د پاکستان علماء کونسل چيئرمېن حافظ محمد طاهر محمود اشرفي وئيلي دي د جمعې په خطبات كښې به مظلوم کشميري اولس سره د يوالي څرګندونه كولې شي٬ ټول مذهبي او سياسي ګوندونه به د كشمير يوالي ورځ د فرورۍ په پنځمه نېټه لمانځي، په كشميري ځوانانو كېدونكې جبر او ظلم ېاندس بايد نړۍ خپله خاموشي ماته كړي، پخوا د مذهبي ګوندونو پشمول ټولو سياسي ګوندونو د اسلام نامه استعمال كړې خو ولې په اقتدار كښې د راتللو نه پس ئې هر څه هېر كړي، پېښور كښې د اسلامي عالم دين او يو پادري په نخښه كولو پېښې په سختو ټكو غندنه كوٶ۔ د نهې په ورځ خبري كنفرنس ته خپلې وېنا كښې حافظ محمد طاهر محمود اشرفي ووئيل پېښور كښې په تېرو لسو ورځو كښې دوه پېښې رامخې ته شوي چې پكښې يوه د يو مسلم عالم دين او بله پېښه د يو پادري په نخښه كولو وه ، د دې پېښو په سختو ټكو غندنه كوٶ او په دې كښې ككړ كسان به انجام ته رسولې شي۔ ده ووئيل د جمعې په خطبات كښې به مظلوم کشميري اولس سره د يوالي څرګندونه كولې شي٬ ټول مذهبي او سياسي ګوندونه به د كشمير يوالي ورځ د فرورۍ په پنځمه نېټه لمانځي٬ د فرورۍ په پنځمه نيټه به يوالي څرګندونې لپاره لاريون ويستلے شي، ده ووئېل کشمير زمونږ متفقه مسئله ده ٬ دې لپاره به په هر فورم غږ پورته كولې شي۔ ده ووئيل وزيراعظم د او آئي سي د خارجه وزيرانو په كفنرنس كښې هم د كشمير او فلسطين مسئلې پورته كړې شوي ، د تېرو لسو ورځو راهسې د كشميري ځوانانو قتل عام روان دے٬ په دې به نړۍ له خپله خاموشي ماتول وي۔ ده ووئيل هغه ورځ نزدې ده چې كشمير او فلسطين به آزاد شي
