اسلام آباد 11 فروري (اے پي پي) وزيراعظم عمران خان وئيلي دي چې په ګلګت بلتستان كښې د سېلګرې لوي استعداد موجود دے، حكومت د نړيوالې سېلګرې او د سرمائي لوبو ودې لپاره اقدامات كوي. ده دا خبرې د ګلګت بلتستان وزيراعلٰی خالد خورشيد سره په خپلو خبرو كښې وكړې كوم چې د جمعې په ورځ ده سره ملاقات وكړو. وزيراعظم ووئيل چې د حكومتي اقداماتو په نتيجه كښې د تېرو درې كلونو په مهال ځائي سېلګرې وده كړې. حكومت په ګلګت بلتستان كښې سېلګرو ته د نړيوال معيار اسانيې وركولو لپاره اقدامات كوي. د ملاقات په مهال د خزانې وزير شوكت فياض ترين او د سېلګرې خاص مرستيال اعظم جميل هم موجود وو. په ملاقات كښې په ګلګت بلتستان كښې د سېلګرې ودې لپاره په پروژو او د ګلګت بلتستان په وژن 2050 تفصيلي خبرې وشوې