اسلام آباد 04 اګست (اے پي پي) د کشمير او ګلګت بلتستان چارو وفاقي وزير انجينئر امير مقام وئيلي چې 5 اګست د هندي اقدام په ضد په ټوله نړۍ كښې د استحصال ورځ په توګه لمانځلے كېږي،5 اګست د جمو او کشمير د تاريخ يو تور باب دے، پاکستان به د کشميريانو د آزادۍ هلي ځلي تر تر منطقي انجام رسولو كښې د هغوې بشپړه سياسي، سفارتي او اخلاقي حمايت روان ساتي، د كشمير استحصال ورځ په موقع دې ټول سياسي ګوندونو يو موټې كيدو سره د هندي اقدامات په ضد احتجاج وكړي۔د اتوار په ورځ پرېس انفارمېشن ډيپارټمنټ كښې د حريت لارښودو سره پرېس کنفرنس ته وينا كښې د كشمير او ګلګت بلتستان چارو وفاقي وزير انجينئر امير مقام ووئيل 1947ء راهسې کشميريان د آزادۍ لپاره هلې ځلې كوي، کشميريانو د پاکستان جوړيدو څخه وړاندې د پاکستانيانو په حثيت سره غږ پورته كرې ؤ۔ ده وئويل بايد د کشميريانو د رايو له مخې د كشمير شخړه هواره كړې شي او په دې اړه د سلامتي کونسل په قراردادونو عمل وكړې شي،د هند د اړخه په زبردستۍ د کشميريانو هلې ځلې زورولو كښې په ناکامۍ د مونږ د پاکستان د اړخه کشميريانو ته سلام كوو، هغوې د هر ظلم په ضد ولاړ دي،ګڼ شمير كشميريانو قربانۍ وركړې دي،زندانونه ئې زغملې دي،د هغوې قصور دا دے چې خپل بنيادي حق غواړي۔ده ووئيل په 5 اګست 2019 د هند په غيرقانوني قبضه كښې د کشمير خصوصي آئيني حيثيت ختمولو اقدام كړې۔د دې اقدام 5 كاله وشو۔په دې 5 كلونو كښې 887 کشميريان شهيدان ، ګڼ شمير ژوبل شوې او هغوې بيا په زندانونو كښې اچولې شوي۔ کشمير كښې د هند د اړخه د ظلمونو يو نه ختميدونكې سلسله روانه ده،د ملګرو ملتونو سلامتي کونسل هم د دې اقداماتو غندنه كړې ده۔د ملګرو ملتونو قراردادونه د هند په آئين كښې د بدلون سره نه بدليږي، هغه قراردادونه په خپل ځائې شته، پاکستان د کشميريانو سياسي، سفارتي او اخلاقي حمايت خپل فرض ګڼي او دا حق به ادا كوو،مونږ غوښتنه كوو چې د کشمير په اړه د ملګرو ملتونو په قراردادونو عمل وكړې شي،په نړۍ كښې دا مهال د مسلمانانو وينه آرزانه ده۔ده ووئيل او آئي سي ته اپيل كوو چې په عملي توګه د مظلومه مسلمانانو بشپړه نمائندګي وكړي او عملي اقدامات وكړي۔ده ووئيل جموں او کشمير د يو زندان منظر وړاندې كوي،مونږ په كشميريانو فخر كوو چا چې په مړانه د هر جبر مقابله کړې او کشمير بنے ګا پاکستان غږ پورته كوي۔ده ووئيل هند په خپلو ظلمونو پرده اچولو لپاره دې هلو ځلو ته كله د ترهه ګرۍ نامه وركوي او كله د دې تور په پاكستان لګوي، د خپل حق لپاره هلي ځلي ترهه ګري نه ، د ترهه ګرۍ ښكار پاكسان دے۔ده کشميريانو له باور وركړو چې د كشمير شخړے تر امناكه حل به د کشميريانو د هلو ځلو حمايت كوو۔ده ووئيل د 5 اګست اقدام د غندنې په توګه هر كال د استحصال ورځ لمانځلے كېږي،په ټوله نړۍ كښې د دې اقدام په ضد خپل احتجاج ريکارډ کوو۔ وزيراعظم دا ځل خصوصي سپارښتنه كرې چې ټول پاکستان څخه کشميريانو ته دا پيغام وركړې شي چې مونږ د هغوې سره يو۔ټول پاكستانيان دې په دې احتجاج كښې برخه واخلي۔ قامي اسمبلۍ، سېنېټ او صوبائي اسمبليو ته هم د کشميريانو په حق كښې د قراردادونو منظورولو سپارښتنه شوې، قامي اسمبلۍ كښې به سبا د ګل په ورځ قرار داد وړاندې كولې شي۔په هغې د حکومت او اپوزيشن غړو لاس ليك دې۔ امير مقام ووئيل د کشمير په مسئله ټول قام سياسي اختلاف اخوا كولو سره بايد يو موټې شي۔ده د فلسطين په حق كښې هم په متفقه قرارداد د ټولو ګوندونو مننه وكړه ۔ ده ووئيل مونږ په ټوله نړۍ كښې خپلو سفارتخانو ته هم د استحصال ورځ لمانځلو سپارښتنه كړې ده دغسې چې ټوله نړۍ كښې په جمهوريت باور لرونكو ته دا پيغام وركړې شي چې په دې لړ كښې زمونږ حمايت وكړي۔ده ووئيل ريډيو پاکستان نه تر ډي چوك د واك اهتمام شوې، پارلماني غړو او سياسي قيادت ته په دې كښې د ګډون كولو خواست شوې دغسې چې نړۍ ته دا پيغام وركړې شي چې د کشمير په مسئله ټول سياسي ګوندونه يو موتې دي۔ټول وزارتونه او محکمے به هم په دې ګډون كوي،دې نه ځانله د عكسونو نندارتون پشمول نورې دستورې به كولې شي،د اطلاعات او خپرونو وزارت هم مننه كوو چې قامي ميډيا ته ئې د خصوصي پروګرام چلولو سپارښتنه كړي دغسې چې د دې د لارې نړۍ په کشمير كښې د روانو ظلمونو څخه خبر كړې شي، نجي چينلز څخه هم هيله لرو چې د دې ورځ مناسبت سره خصوصي پروګرام وچلوي۔ پي آئي اے، اين ايچ اے، ميټرو پشمولټولو محكمو ته وئيلي شوې چې د دې ورځ په م ناسبت سره بينري ولګوي ، د کشمير چارو وزارت د رخصتۍ باوجود د دې ورځ د تيارو لپاره ګامونه پورته كوي،په دې د ټولو مالزمانو مننه كوم۔ده ووئيل پاکستان به د کشميريانو د آزادۍ هلو ځلو حمايت روان ساتي۔ فلسطين او کشمير كښې روانو ظلمونو څخه نړيواله ورورولي سترګي اړوي،بايد د هغوې ضمير هم بيدار شي او خپل كردار ترسره كړي۔ د حريت کنفرنس کنوينئر غلام محمد صفي ووئيل د هند د 5 اګست 2019 اقدام د اسرائيل ماډل ترمخه خپل كړې هغوې کشمير كښې آبادي تناسب بدلول غواړي۔
