اسلام آباد – 26 آڪٽوبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته امن جي لاءِ قوم تمام وڏي قيمت ادا ڪئي آهي، هزارين جانين جي قرباني سان ملڪ ۾ امن جو ڏيئو روشن ٿيو آهي، مولانا فضل الرحمان امن جي ڏيئي کي ڇو ٿو وسائڻ چاهي؟ سماجي رابطن جي ويب سائيٽ ٽوئيٽر تي پنهنجي پيغام ۾ هن چيو ته جمهوريت ۾ ڳالهيون ئي غلط فهمين جي خاتمي ۽ اتفاق راءِ پيدا ڪرڻ جو واحد ذريعو آهي، ڳالهين سان ئي مسئلن جو حل نڪرندو آهي.
