اسلام آباد – 20 جولاءِ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته جج ارشد ملڪ جي مبينا وڊيو جي حوالي سان هلايل خبرون بي بنياد ۽ مذمت جوڳيون آهن، پنجاب فرانزڪ ليبارٽري ۾ پوسٽ مارٽم ۽ انساني عضون جا ٽيسٽ ٿين ٿا، مبينا وڊيو آڊيو جي حوالي سان ڪا رپورٽ ناهي ٺهي. پريس انفارميشن ڊپارٽمينٽ (پي آءِ ڊي) ۾ پريس ڪانفرنس کي خطاب ڪندي هن مريم نواز کي مخاطب ڪندي چيو ته توهان کي ياد هوندو ته توهان جو خاندان 40 صندوقن سميت ٻاهر هليو ويو هو، توهان پنهنجي سرور جي لاءِ سرور پيليس ۾ هليا ويا هئا.
