اسلام آباد – 05 آڪٽوبر (اي پي پي) صدر ڊاڪٽر عارف علوي عالمي برادري تي زور ڏنو آهي ته اها ڀارتي والاريل ڪشمير ۽ ان سان گڏوگڏ اقليتن سان رياستي دهشتگردي جو نوٽيس وٺي. ريڊيو پاڪستان کي ڏنل انٽرويو ۾ صدر چيو ته والاريل ڪشمير جي صورتحال تي دنيا خاموش تماشائي جو ڪردار ادا نه ڪري. والاريل ڪشمير ۾ ڀارت جي غيرقانوني قدم جي خلاف تمام گهڻو اشتعال موجود آهي ۽ جڏهن هڪ ڀيرو ڪرفيو هٽايو ويندو ته ڀارتي عملدار ڪشميرين جو ردعمل ڏسي وٺندا. صدر پاڪستان ڪرفيو ۽ مواصلاتي بليڪ آئوٽ کي فوري ختم ڪرڻ جي مطالبي کي ورجائيندي چيو ته ميڊيا کي حقيقتن تان پردو کڻڻ لاءِ واديءَ جو دورو ڪرڻ جي اجازت هجڻ گهرجي.
