اسلام آباد 29 اکتوبر (اے پي پي)د خېبرپښتونخوا ګورنر فيصل كريم كڼډي د روسيه پلاوي سره ملاقات كړے۔د ملاقات په مهال د خېبرپښتونخوا اولس لخوا د خېرسګالۍ پیغامات رسولو او په صوبه كښې د روسيې سرمايه كارۍ موقعو په اړه خبرې اترې وشوې۔د سېنېټ چيئرمېن سيد يوسف رضا ګېلاني د قېډرېشن كونسل آف رشين فېډرېشن سپيكر ويلنټينا میټویینکو په مشرۍ كښې د پاكستان په دوره راغلې خاص پارليماني پلاوي په درناوي كښې د ماسخوتن مېلمستيا وركړه چې پكښې د خېبرپښتونخوا ګورنر فيصل كريم كنډي٬د بېلو هېوادونو سفيران او د سياسي ګوندونو مشران او مهم شخصيات ګډون وكړو ۔د ماسخوتن مېلمستيا مقصد د پاكستان او روس ترمينځه اړيكې لا قوي كولو او دوه اړخيزه مرستې ته وده وركول وو۔د خېبرپښټونخوا ګورنر فيصل كريم كنډي د روسيې پلاوي سره د ملاقات په مهال د خېبرپښتونخوا اولس لخوا د خېرسګالۍ پېغام ورسولو او په صوبه كښې د روس سرمايه كارۍ موقعو په اړه يې خبرې وكړې۔ده ووئيل په خېبرپښتونخوا كښې د توان٬سېلګرۍ او قدرتي وسائلو په څانګو كښې د سرمايه كارۍ پراخه موقعې موجود دي او د روسيې سرمايه كارو خوښۍ څخه دواړو هېوادونو ته ګټه رسېدلې شي۔د روسيې سپيكر ويلنټينا ميټوينيكو د ماسخوتن په مېلمستيا د پاكستان مننه وكړه او ووئېل يې چې روس پاكستان سره اړيكو ته لا وده وركول غواړي۔ده ووئيل روس پاكستان سره بېلو څانګو كښې مرستې زياتولو له عزم لري او سباؤن كښې د دواړو هېوادونو ترمينځه د ملګرتيا اړيكې به لا قوي شي۔
