اسلام آباد 07 نومبر(اے پی پی)وزيراعظم محمد شهباز شريف د پاكستان او تركيې ترمينځه په دوه اړخيزه مرسته د اطمينان څرګندونې كولو سره د تجارت٬سرمايه كارۍ او دفاع په څانګو كښې مرستې لا مستحكم كولو په ضرورت زور راوړے۔د زيارت په ورځ د وزيراعظم آفس پرېس ونګ لخوا جاري شوي بيان له مخې وزيراعظم محمد شهباز شريف سره پاكستان كښې د جمهوريه تركيه سفير عرفان نذير اوعلو په وزيراعظم هاؤس كښې ملاقات وكړو ۔وزيراعظم نوې تعينات د تركيې سفير نذير اوعلو هركلي كولو سره ووئېل د پاكستان او تركيې ترمينځه دوه اړخيزه اړيكې مستحكمولو لپاره د تركيې سره په ګډه د كار كولو خوښي لرو۔د پاكستان او تركيې ترمينځه تاريخي٬پخوانۍ او د ورورولۍ اړيكو ذكر كولو سره وزيراعظم په جمو كشمير د تركيې د پاكستان په پرله پسې ملاتړ مننه وكړه او وې وئېل پاكستان به هم د بنيادي ګټې په اړه د تركيې بشپړه مرسته دوامداره ساتي۔په ملاقات كښې سيمه ايز صورتحال په خاص توګه غزه او د مينځني ختيز په صورتحال هم د خيالاتو څرګندونه وشوه ۔وزيراعظم د صدر رجب طيب اردوان لپاره د نيكو هيلو څرګندونه وكړه او د تركيې صدر له زر تر زره د پاكستان سركاري دورې د بلنې وركولو يې پخلے وكړو ۔ده د پاكستان او تركيې ترمينځه په زياته شوي دوه اړخيزه مرسته د اطمينان څرګندونه وكړه او د تجارت٬سرمايه كارۍ او دفاع په ړه مرسته لا ښه كولو په ضرورت يې زور راوړ و۔د تركيې سفير نذير اوعلو په تود هركلي كولو د وزيراعظم مننه وكړه او د دواړو هېوادونو ترمينځه د ملګرتيا قوي او تاريخي رشتې لا مستحكمولو لپاره يې د بشپړ عزم او ملاتړ باور وركړو۔
