اسلام آباد۔25نومبر(اے پی پی) د كشمير او ګلګت بلتستان چارو وفاقي وزير امير مقام سره د ګلګت بلتستان وزيراعلی حاجي ګلبر خان دلته په وزارت كښې ملاقات وكړو۔ په ملاقات كښې د ګلګت بلتستان په پرمختيائي منصوبو ٬ د وزيراعظم د ګلګت بلتستان په اوسنۍ دوره او د امن په وضعه د خيالاتو څرګندونه وشوه۔ په دې موقع د كشمير چارو وفاقي سېكرټري وسیم اجمل چوهدری هم موجود ؤ۔ وفاقي وزیر امير مقام ووئيل د ګلګت بلتستان پرمختګ ته وفاقي حكومت تر ټولو لومړۍ پاملرنه كوي۔ ده ووئيل د وزيراعظم په دې وروستيو كښې په اعلان كړو پرمختيائي منصوبو به ډېر زر عملدرآمد پېل كړے شي۔ وفاقي وزير ووئيل په جي بي كښې امن له به په بېړني بنيادونو سي ټي ډي جوړولې شي۔ دغسې د ګلګت بلتستان مسئلو په حل كولو كښې په ژوره خوښۍ لرلو وزيراعلی د وفاقي وزير مننه وكړه۔
