پينډۍ 13 دسمبر (اے پي پي) امنيتي ځواكونو بلوچستان او د خېبر پښتونخوا په بېلو سيمو كښې په 5مه ورځ هم د ترهه ګرو په ضد عملياتو كښې 43 ترهه ګر وژلې دي۔ آئي اېس پي آر له مخې 9 دسمبر 2024 څخه خېبرپښتونخوا (کے پي) او بلوچستان كښې د سیکیورټي فورسز په استخباراتي بنیاد کارروائیو په مهال 43 ترهه ګر وژلي شوي،چې ورسره بلوچستان كښې د فتنه الخوارج او نورو ترهه ګرو ډلو لويې زيان شوے۔په 12 او 13 دسمبر د شپې سیکیورټی فورسز ضلع لکی مروت كښې انټیلی جنس بیسډ عمليات كړي،چې پكښې ځواكونو د خوارجو ژالې په نخښه كړې او په نتيجه كښې ئې 6 خوارج ووژل شول ۔ 9 دسمبر 2024 نه تر اوسه کے پي كښې 18 خوارج وژلې شوي۔بلوچستان كښې په 13 دسمبر موسٰی خیل او پنجګور ضلعو كښې دوه جلا جلا انټیلی جنس بیسډ عملياتو په مهال سیکیورټی فورسز په يو بل د ډزو نه پس 10 ترهه ګر ووژل۔دغسې د 9 دسمبر نه تر اوسه بلوچستان كښې 25 ترهه ګر وژلې شوي۔آئي اېس پي آر ووئيل دا عمليات به تر هغه وخت روان وي تر څو چې بشپړ امن نه وي راغلے او د خوارجو خاتمه نه وي شوې۔د پاکستان سیکیورټی فورسز د ترهه ګرۍ ناسور ختمولو لپاره لوظي دے۔
