ملګري ملتونه 11 دسمبر(اے پي پي)د ملګرو ملتونو د بشري حقونو پوهانو ډلې د سږ كال په پېل كښې هند كښې په خاص توګه پايه تخت نوي ډيلي او اترپردېش ايالت كښې په مسلمانانو د هند ظلمونو٬ په منتازعه شهريت بل د مظاهرچيانو تنګولو٬ د تشدد نه ډك بريدونو٬ د هندي حكومت په كركجنو وېناګانو او په مسلمانانو د ظلمونو كولو په اړه اندیښنې څرګندولو لپاره دوېمه چيټۍ هند ته لېږلې ده٬ د كومې ځواب لپاره چې هند ته دوه مياشتې وخت وركړے شوے ؤ ٬ خو هند تر اوسه ځواب نه دے وركړے۔ د ملګرو ملتونو د بشري حقونو د 7 پوهانو ډلې لخوا لېږلې شوې دوېمه چیټۍ په رپورټس او شواهدو آډانه ده چې پكښې وئيلي شوي د هند حكمران ګوند بي جے پي يو شمېر مشرانو لخوا د كركجنو وېناګانو په سبب سږ كال فرورۍ كښې په مسلمانانو بريدونه نه يوازې زيات شوي بلكې د دوي د عبادت په ځايونو ٬ كورونو او د دوي په املاك هم بريدونه شوي۔ خط كښې وئېلې شوي دا هر څه د هندي حكومت د هېواد په نورو رياستونو كښې د فعاله هندو قام پرسته نتيظيمونو د منظمې منصوبه بندۍ او سازش تر مخه شوي چې پكښې هغوي له وسله او بارود د وړاندې نه وركړے شوي۔ د ملګرو ملتونو پوهانو وئيلي دي د هند حكومت مهم سياسي شخصيات او پارلماني غړي د مسلمانانو په ضد د كركجنو خبرونو او وېناګانو نه نه دي منع كړي او نه د دوي په ضد كاروائي شوې كوم چې د نااهلۍ ښكاره ثبوت دے چې ورسره په مسلمانانو د تشدد او بريدونو پېښې زياتې شوې او يوازې دا نه په نوي ډيلي او اترپردېش كښې پوليس هم په مسلمانانو تشدد كښې د هندو قام پرسته تنطيمونو ملګرتيا كړې٬ دغسې د هند حكومت په نسلي بنيادونو د قتل عام ډيلي كېس كښې د جج بدلولو په توګه د عدليه په ازادۍ كښې هم لاس وهنه كړې۔ د ملګرو ملتونو پوهانو ډله كومه چې د ملګرو ملتونو د خاص طريقه كار يا تيارۍ په نامه پېژندلې كېږي دا چيټۍ سږ كال د اكتوبر په 9مه نيټه لېږلې ٶه خو د هند لخوا په 60 ورځو كښې دننه د ځواب نه وركولو نه پس دا چيټۍ پبلك كړې شوې۔ د دې نه وراندې د ملګرو ملتونو د 9 پوهانو لخوا هند ته وړومبنې چيټۍ په 28مه فرورۍ لېږلې شوې ٶه چې پكښې پوهانو په هند كښې د مسلمانانو په ضد د پوځي طاقت كارولو او د متنازعه شهريت قانون په ضد په مظاهرچيانو تشدد كولو سره دوي ته په دړكو وركولو د تشويش څرګندونه كړې وه، د متنازعه شهريت قانون په ضد تېر كال د 15 دسمبر څخه په هند كښې مظاهرې پېل شوې وې كومې چې تر 55 ورځو روانې وي٬ د ملګرو ملتونو پوهانو چې كومه دوېمه چيټۍ هند ته لېږلې په ھغې كښې د عقيدو او د مذهبي آزادۍ په خاص توګه د خبريال احمد شهيد په غېرقانوني ګرفتارۍ د ملګرو ملتونو د وركنګ ګروپ وائس چيئرمېن ايلينا سټينرټ په خاص توګه د خبريال د ماورائے عدالت پاڼسۍ سره نورې سنګېنې چارې هم زكر كړې دي ۔
