اسلام آباد 21 دسمبر(اے پي پي) وزیراعظم عمران خان وئيلي دي ماحولياتي الودګي او د موسمياتي بدلون اثراتو مخنيوي يو لوي چېلنج دے، په شنو سيمو كښې د ونې وهلې شوي او ودانۍ ترې جوړې كړې شوي، د ماضي حكومتونو زمكې او ځنګلونه سياسي مقاصدو لپاره په ليز وركړي ، د هېواد برآمدات زياتولو لپاره به معيار ته خاص پاملرنه كول وي، په هېواد كښې د زېتون پېداوار زياتولو سره د خوراكي تېلو په درآمد خرڅونه كمېدې شي ، د شاتو پېداوار زياتولو منصوبې سره به ځائي اولس ته ګټه ورسي۔ د دې خيالاتو څرګندونه وزیراعظم عمران خان د بېليون ټري سونامي منصوبې له مخې هېواد كښې د شاتو پېداوار زياتولو پروګرام پېل كولو دستورې ته خپله وېنا كښې وكړه۔ وزیراعظم ووئيل د بده مرغه په هېواد كښې د ځنګلونو زمكه په تندۍ سره كمېږي٬ مونږ د قام په حېث خپل دريابونه ګنده كوٶ، ونې وهلې شوي، په سندھ كښې د 70 فېصده زمكې په تل كښې اوبه ګنده دي٬ په ژمي كښې د لاهور په فضاء كښې الودګي تر خطرناك حد زياته شي، په شنو سيمو كښې ونې هلې شوي او ترې ودانئ جوړې كړې شوي۔ده ووئېل راتلونكي نسلونو لپاره ګرين پاكستان پرېښودو له به په تندۍ سره منصوبه بندي او په دې عمل كول وي، د ماحولیاتي آلودګۍ او د موسمیاتی بدلون اثراتو مخنيوي زمونږ لپاره لوي چېلنج دے ، د ماحولیاتي بدلون څخه په ځپلو هېوادونو كښې پاكستان په پنځم لمبر دے۔ وزيراعظم ووئيل د ماضي حكومتونو زمكې او ځنګلونه سياسي مقاصدو لپاره په ليز وركړي ٬ په تېرو 20 كالو كښې 70 فيصده ځنګلونه ختم كړې شوي ٬ د ښختو د بټيو پشمول د هغه څيزونو مونږ پرواه نه ده كړې كوم چې فضاء الوده كوي چې د دې څه متبادل حل ولټولے شي۔ وزیراعظم عمران خان ووئيل اوس هېواد كښې داسې حكومت دے كوم چې د اولس د ژوند فكر كوي راتلونكي الېكشن ته نه ګوري، ھغوي د خپل راتلونكي نسل لپاره داسې اقدامات كوي چې شين پاكستان دوي له وركړي۔ وزیراعظم ووئيل پخوا به په لاهور كښې خلقو د نهر اوبه څښلې خو بيا ھغه اوبه ګنده شوې٬ راوي درياب هم اوس د ګنده اوبو تالاب ښكاري، د ماضی واكمنو د آلودګۍ مسئلې مخنيوي لپاره هېڅ نه دي كړي ٬ اوسنې حكومت د ماحول بهترۍ لپاره هڅې كوي دغسې چې ځنګلات زيات شي٬ دريابونه پاك كړې شي او په فضائي الودګۍ قابو وموندلے شي۔ده ووئېل د هېواد په تاريخ كښئ په وړومبي ځل يو حكومت بوټو نالولو پلو پام ګرځولے او د يو ارب بوټو نالولو پرېكړه ئې كړې ٬دغسې ډبلیو ډبلیو اېف او ورلډ اکنامك فورم د دې منصوبې توثيق كړے او د دې ئې ملاتړ كړے ۔ده ووئېل په خېبرپښتونخوا كښې د ځنګلات تحفظ او د دغې د ودې لپاره د كېدونكو اقداماتو په لاره كښې رامخې ته خنډان لرې كړې شوي او په دې لړ كښې د بشپړه عزم څرګندونه شوې ۔ وزیراعظم ووئيل په کندیا او چھانګا مانګا كښې لوئې لوئې ځنګلې وې كومې چې ختمې كړې شوي او زمكې سياسي خلقو له په ليز وركړې شوي۔ ده ووئيل د شاتو پېداوار لپاره ځنګل استعمالول زبردست آئيډيا ده، دې منصوبې سره به ځائي اولس ته ملازمتونه ترلاسه شي۔ده ووئېل زمونږ د شاتو برآمدات كم دے٬ پاكستان كښې د مختلف قسمونو شات ترلاسه كېدے شي٬ پاكستان كښئ 12 موسمونه وي او شات هم مونږ مختلف قسم پېدا كولې شوو، په دې لړ كښې به حكومت مرسته كوي٬ خو برآمدات زياتولو لپاره به معيار ښه كول وي۔ده ووئېل د پاکستان مېوې او د سبزيانې په خوند ډېرې ښې دي٬ د دې برآمدات هم زياتېدې شي خو مونږ برآمدات ځكه نشو كولے ځكه چې دا معياري نه دي، د سائنس او ټېكنالوجې وزارت له معيار له مرسته پكار ده ۔ ده ووئيل تر څو چې مونږ خپل برآمدات زيات نه كړو تر ھغې زمونږ آمدن نه شي زياتېدې، مونږ ماحول ښه كول او برآمدات زياتول غواړو او درآمدات كښئ كمے راوستل غواړو۔ ده ووئيل پاكستان زيات ځوانان لري دوي ته د روزګار ضرورت دے دا منصوبه د روزګار وركولو ضرورت ترسره كړي، کندیا او نورې داسې سيمې چرته چې باران كم كېږي د ھغه ځائ خلقو ته به دې منصوبې سره روزګار ترلاسه شي۔ ده ووئيل پاكستان هر كال د درې اربه ډالرو خوراكي تېل درآمد كوي٬ د روپۍ قدر كمېدو سره درآمدات ګرانېږي چې په سبب ئې د تېلو او غوړو بيعه زياتېږي ، 10 بېلیونه ټري سونامي منصوبه كښې كه د زېتون كر پلو پام وكړې شي نو پاكستان د خوراكي تېلو پېداوار كښې اضافې سره د هېواد ضرورت ترسره كولو سره سره د دې برآمد هم كولې شي۔ده ووئېل د اباسين ښي اړخ ته د کوہ سیلمان رېنج د زیتون كر لپاره ښه سيمه ده٬ په دغه سيمو كښې زياته بې وسي ده ٬ دې پلو به هم پام كول وي۔ وزیراعظم ووئيل د ناشپانۍ پېداوار زياتولو پلو هم خاص پاملرنې ته اړتيا ده ٬ دا به هم د بېليون ټري منصوبې برخه جوړوٶ، دې سره به هم د هېواد آمدن زيات شي۔ وزیراعظم ووئيل د ماحوليات آلوګۍ مخنيوي لپاره به د ښارونو بې ترتيبه خپرېدو لاره نيول وي، زمونږ ښارونه ماسټر پلان نه لري كله چې په زرعي زمكه آبادي وشي نو مونږ به زياتېدونكې آبادۍ لپاره د خوراك انتظام څنګه كوٶ٬ اوس به د ښارونو ماسټر پلان جوړوو دغسې چې زرعي زمكې محفوظ كړې شي۔ دستورې ته د موسمياتي بدلون وزېر مملكت زرتاج ګل او خاص مرستيال ملك امين اسلم هم وېنا وكړه
