اسلام آباد 28 نومبر (اے پي پي) وزیراعظم محمد شهبازشریف وئيلي دي د لښکر کونكې شر خوښې ډلې په ضد دې سمدستي توګه قانوني كاروائي او په شناخت کولو سخته سزا وركړې شي، هېواد كښې ذاتي مقاصدو لپاره د لشکر کشۍ مخنيوي لپاره دې تګلاره مرتب كړې شي،اسلام آباد یا د هېواد كوم هم ښار كښې ذاتی مقاصدو لپاره د لشکر کشۍ مخنيوي له دې كوټلې تګلاره جوړه كرې شي۔د زيارت په ورځ د وزیراعظم آفس میډیا ونګ د اړخه جاري شوي پریس ریلیز له مخې د وزیراعظم محمد شهباز شریف په مشرۍ كښې د امن و امان صورتحال په اړه د جاج اغستو غونډه وشوه۔په غونډه كښې وزیراعظم ته په تيرو ورځو كښې هېواد كښې د پرلتونو په صورت كښې د احتجاج کوونكو د اړخه سرکاري املاك او پولیس و رینجرز اهلکارو باندې د بريد كولو په بابله بريفنګ وركړے شو۔په دې موقع وزیراعظم ووئيل هېواد كښې تاریخي کرپشن او د خپل حكومت بچ كولو لپاره د هېواد دیوالیه کوونكو ناوړه سازشونه كوونكې د قانون په ګرفت كښې راغلې دي،قانونی لاره خپلولو په ځاے بيا بيا په اسلام آباد د بريد كولو او هېواد كښې د اړي ګړي فضاء جوړولو هڅه شوې۔ وزیراعظم ووئيل د انتشاري ډلي لشکر کشۍ په مهال د امنيتي ځواكونو اهلکار ژوبل او شهيدان كړې شوي۔وزیراعظم پوښتنه وكړه چې دا څه ډول انقلابیان دي چې هېواد كښې د تباهۍ او انتشار خپرولو ناوړه هڅه كوي۔وزیراعظم ووئيل په اسلام آباد بريد كوونكو شر خوښې ډلې په ضد دې په سمدستي توګه قانوني كاروائي وكړې شي،په دې اړه د استغاثه نظام كښې دې لا ښه والے راوستلے شي، د شر خوښې ډلې په منتشر كولو سټاك ایکسچینج د يو لاکھ پوائنټس حد عبور کړے۔وزیراعظم ووئيل د دې انتشار خپرولو ناوړه هڅې په نتيجه كښې هېواد ته د اربونو روپو زيان رسېدلے،د هېواد د معاشي زيان ذمه وار هم دغه انتشاري ډله ده۔وزیراعظم ووئيل انتشاري ډله كښې د شرخوښو سمدستي شناخت کولو سره دې هغوي له سخته سزا وركرې شي، د انتشاري ډلې بريد په مهال فرائض ترسره كولو كښې شهيدو شوو اهلکارو ته زما پشمول ټول قام پيرزوئنې وړاندې كوي۔ وزیراعظم سپارښتنه وكړه چې اسلام آباد یا د هېواد كوم هم ښار كښې ذاتی مقاصدو لپاره د لشکر کشی مخنيوي لپاره دې كوټلي تګلاره جوړه كړې شي۔ وزیراعظم ووئيل حکومت تش په نوم د امن پرلت او د انتشار خپرونكو مخنيوي كښې د زغم څرګندونه كړې ،سباؤن كښې دې هم د دغسې ډول صورتحال مخنيوي له كوټلې تګلاره جوړه كړې شي ۔ وزیراعظم ووئيل په تيرو ورځو پېښو كښې په اولس كښې اشتعال، بے یقیني او د انتشار خپرونكې عناصر دې قانون سره مخ كړې شي،د لشكر كشۍ مخنيوي لپاره دې اسلام آباد او په ټول هېواد كښې اینټی روائټس (Anti Riots) فورس جوړ كرے شي۔ وزیراعظم ووئيل فورس له دې د نړيوال طرز پیشه وره تربیه او ضروری ساز و سامان وركړې شي، دغسې چې سرکاري و نجي املاك ته د زيان رسولو سره سره د وسله والو په ګوته كولو او د هغوي په ضد قانوني کارروائي كولې شي۔ په غونډه كښې وفاقي وزيرانو احد خان چیمه، عطاء الله تارړ، صلاحككار رانا ثناء الله، اټارنی جنرل او اړوندو اعلیٰ چارواكو ګډون وكړو۔
