اسلام آباد 10 دسمبر (اے پي پي) وفاقي کابینې د توان وزارت، پاور ډویژن په سفارش په بګاس چليدونكو د 8 انډیپنډنټ پاور پلانټس سره د سیټلمنټ لوظنامو منظوری وركړې ده،د دې لوظنامو نه پس عامو صارفینو لپاره د بجلۍ بيعه به كمه شي او قامي خزانې ته به د 238 اربه روپو ګټه ورسي۔د نهي په ورځ د وزیراعظم محمد شهباز شریف په مشرۍ كښې د وفاقي کابینې غونډه په وزیراعظم هاؤس كښې وشوه۔د وزیراعظم آفس پرېس ونګ د اړخه جاري شوې بيان له مخې وفاقی کابینې ته د سوريه تازه صورتحال په تناظر كښې هلته څخه د پاکستانیانو د انخلاء په اړه بریفنګ وركړے شو۔ کابینه خبر كړې شوه چې سوريه كښې موجود 250 پاکستانيانو زائرینو كښې 79 بیروت ته رسيدلې دي چرته نه به چې هغوي پاکستان ته راوستلې شي۔دې نه ځانله سوريه كښې 20 استاذانو او زددكوونكو كښې 7 استاذان هم بیروت ته رسيدلې دي۔غونډي ته ووئيل شول سوريه او لبنان كښې د پاکستان سفارتخانې چارواكي پاکستانیان د سوريه څخه په حفاظت سره راوستلو لپاره هر ممکن اقدامات كوي۔ وفاقی کابینې د توان وزارت، پاور ډویژن په سفارش په بګاس چليدونكو د 8 انډیپنډنټ پاور پلانټس سره د سیټلمنټ لوظنامو منظوري هم وركړې ده، د دې لوظنامو نه پس عامو صارفینو لپاره د بجلغ بيعه به كمه شي او قامي خزانې ته به د 238 اربه روپو ګټه ورسي۔په دې موقع وزیراعظم ووئيل حکومت د عامو وګړو لپاره د بجلۍ بيعه كښې كمي لپاره هر ممکن اقدامات كوي۔ده ووئيل زمونږ ټولي پريكړي بايد د قامي ګټې لپاره وي۔ده ووئيل هېواد كښې نجی څانګو او صنعتونو ودي ته حکومت پام لرنه كوي۔يادو شوو پاور پلانټس كښې د جے ډي ډبلیو یونټ I ، یونټ II, آر وائے ملز، چنیوټ پاور، حمزه شوګر، المعیز انډسټریز، تھل انډسټریز او چنار انډسټري شامل دي۔ وفاقی کابینې د دفاعی پیداوار وزارت په سفارش هیوی انډسټری ټیکسلا بورډ كښې د بریګیډیر عاصم بشیر وړائچ د ممبر پروډکشن کنټرول په حيث د تعیناتۍ هم منظوری وركړه۔ دغسې وفاقي کابینې د بشري حقونو وزارت په سفارش د نېشنل کمېشن اسټیټس آف ویمن فنډ جوړولو هم منظوری وركړه۔
