اسلام آباد۔24 اکتوبر(اے پی پی) وزيراعظم شهباز شريف د کينيا صدر وليم روتو سره ټېلېفوني تماس نيولے او د سينئر خبريال ارشد شريف د مړينې په اړه ئې د بې پرې او سپېځلو پلټنو په كولو زور راوړے۔ دغسې د كينيا صدر په پېښه د افسوس څرګندونې سره د انصاف غوښتنو ترسره كولو او د مړي هېواد ته د رالېږلو عمل د ګړندي كولو باور وركړے ۔ د ګل په ورځ د وزيراعظم آفس ميډيا ونګ لخوا د جاري شوي بيان له مخې وزيراعظم د پاكستان اولس او ميډيا ورورلۍ لخوا په پېښه د رامخې ته سختې اندېښنې څخه د كينيا صدر خبر كړے۔ وزيراعظم د ارواښاد ارشد شريف د مړي هېواد ته رالېږلو لپاره د كارروائۍ عمل زر تر زره د بشپړولو درخواست هم كړے ۔ د بيان له مخې د کینیا صدر په دې پېښه د افسوس څرګندونه كولو سره سره وزيراعظم شهباز شريف ته د انصاف غوښتنو ترسره كولو ٬ د پېښې تحقيقاتي رپورټ رامخې ته كولو او د ارواښاد ارشد شريف د مړې زر تر زره پاكستان ته د رالېږلو عمل د ګړندي كولو باور وركړے
