اسلام آباد 25اکتوبر(اے پی پی)د تخفيف غربت او سماجي تحفظ لپاره د وزيراعظم خاص مرستيال فيصل كريم كنډي د ټاكلو اهدافو په وخت سر كولو زور راوړے ۔ د تخفيف غربت او سماجي تحفظ لپاره د وزيراعظم خاص مرستيال فيصل كريم كنډي ته د وزارت په بېلو پروګرامونو بريفنګ وركړے شو۔په دې موقع په خبرو كښې فيصل كريم كنډي ووئيل د بېنظيرانكم سپورټ پروګرام له مخې د ټولو منصوبو ځانګړې خصوصيات د مستحقينو خبرتيا لپاره مېډيا له د زياتو نه زيات كارولو ضرورت دے ٬د روغتيا تحفظ پروګرام مقصد غريبانانو ته د روغتيا آسانۍ وركولو سره سماجي تحفظ وركول دي۔د بريفنګ په مهال فيصل كريم كنډي ووئيل د روغتيا تحفظ پروګرام له مخې په ټول پاكستان كښې 14 پبلك سېكټر روغتونونو كښې غريبو كسانو ته د علاج معالجې آسانۍ وركوي۔د دې اقدام له مخې په ټول پاكستان كښې تراوسه د هېلت فنانسنګ 15 زره درخواستونه منظور كړې شوي٬د نېشنل پاورټي ګريجوېشن پروګرام مقصد غريبانان د غربت څخه ويستلو له مرسته كول دي٬نېشنل پاورټي ګريجوېشن پروګرام تراوسه 92 زره 790 كورنيو ته كاروباري اثاثو وركولو له مرسته كړې٬نېشنل پاورټي ګريجوېشن پروګرام په ټول پاكستان كښې 111355 كورنيو ته په وړه پېمانه قرضې وركړی دي۔
